នាព្រឹកថ្ងៃព្រហស្បតិ៍ ៣រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៣ ខែតុលា ឆ្នាំ២០២២ នៅទីធ្លាមុខសាលាខេត្តស្ទឹងត្រែង ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តបានអញ្ជើញជាអធិបតីក្នុងឱកាសការប្រារព្ធទិវាទេសចរណ៍ពិភពលោកឆ្នាំ២០២២ ក្រោមប្រធានបទ “ការគិតគូរឡើងវិញពីទេសចរណ៍” ទិវាពិភពលោកស្អាតឆ្នាំ២០២២។
អញ្ជើញចូលរួមក្នុងពិធីនេះរួមមាន ថ្នាក់ដឹកនាំខេត្ត កងកម្លាំងប្រដាប់អាវុធគ្រប់ប្រភេទ មន្រ្តីរាជការជុំវិញខេត្ត យុវជនសសយក លោកគ្រូ អ្នកគ្រូ សិស្ស និសិត្ស យុវជននិងប្រជាពលរដ្ឋជាច្រើននាក់ផងដែ។
បន្ទាប់ពីឯកឧត្តម អភិបាលខេត្ត អានសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសអបអរសាទរទិវាទសចរណ៍ពិភពលោកឆ្នាំ២០២២ ក្រោមប្រធានបទ “ការគិតគូរឡើងវិញពីរទសចរណ៍(RETHINKING TOURISM) ក្នុងឱកាសនោះដែរ ឯកឧត្តម អភិបាលខេត្ត បានមានប្រសាសន៍ថា ព្រោះបើទីក្រុងស្អាត នាំមកនូវសុខភាពល្អ ការរស់នៅប្រកបដោយផាសុខភាព គឺផ្តើមចេញពីយើងទាំងអស់គ្នា គ្រួសារ និងសហគមន៍ ព្រមទាំងទាក់ទាញទេសចរណ៍ចូលមកកំសាន្តសប្បាយ រឺស្នាក់នៅក្នុងខេត្ត បង្កើនប្រាក់ចំណូលដល់ប្រជាពលរដ្ឋ្តផងដែរ។
ទន្ទឹមនឹងនោះឯកឧត្តម អភិបាលបានអំពាវនាវដល់ កងកំលាំងប្រដាប់អាវុធគ្រប់ប្រភេទ មន្រ្តីរាជការជុំវិញខេត្ត លោកគ្រូ អ្នកគ្រូ សិស្ស និសិត្ស យុវជន និងប្រជាពលរដ្ឋ ត្រូវចូលរួមទាំងអស់គ្នា ដោយមិនសំដៅលើការសម្អាតសំរាមតែមួយមុខនោះទេ ត្រូវគិតទៅលើកត្តាសន្តិសុខ សណ្តាប់ធ្នាប់សាធារណៈ ការអនាម័យតាមគេហដ្ឋាន ការថែរក្សាទ្រព្យសម្បត្តិសាធារណៈ។ បន្ទាប់មក អង្គពិធីទាំងមូលបានធ្វើសកម្មភាពសំអាតអនាម័យបរិស្ថានក្នុងក្រុងស្ទឹងត្រែង ថែមទៀតផងដែរ៕
