មណ្ឌលគិរី ÷ នៅព្រឹក ថ្ងៃពុធ០៧រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២០ ខែកក្កដា ឆ្នាំ២០២២ នាវេលាម៉ោង៨ និង០០នាទីនៅសាលប្រជុំស្នងការដ្ឋាននគរបាលខេត្តមណ្ឌលគិរី។
ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តបាន បើកកិច្ចប្រជុំស្តីពីការងារបង្កានិងបង្រ្កាបនូវរាល់បទល្មើសគ្រប់ប្រភេទក្នុងទូទាំងខេត្តមណ្ឌលគិរីជាពិសេស ក្មេងទំនើង និង បានរៀបចំធ្វើផែនការផ្សេងៗមួយចំនួនទៀតដើម្បីទប់ស្កាត់និងបង្រ្កាបនូវរាល់បទល្មើសនានាដែលបានកើតឡើងឲ្យបានទាន់ពេលវេលា កិច្ចប្រជុំនេះមានការអញ្ជើញចូលរួមពីលោក ឧត្តមសេនីយ៍ត្រី សូ សុវណ្ណ ស្នងការរងទទួលការងារផែនព្រហ្មទណ្ឌ លោក លោក ប្រធានការិយាល័យព្រហ្មទណ្ឌ ព្រមទាំងលោកអធិការនគរបាល ក្រុងស្រុកទាំង០៥លោកនាយប៉ុស្តិ៍នគរបាល រដ្ឋបាលទាំង២១ឃុំ សង្កាត់ដែលបានចូលសរុបមានចំនួន៥៥នាក់។
ជាកិច្ចចាប់ផ្ដើមបើក កិច្ចប្រជុំលោកឧត្តមសេនីយ៍ទោ ស្នងការបានមានប្រសាសន៍បើកកិច្ចប្រជុំនិងបានអនុញ្ញាតឲ្យលោកឧត្តមសេនីយ៍ត្រី សូ សុវណ្ណ ស្នងការរងទទួលការងារ ផែនព្រហ្មទណ្ឌ ឡើងអានរបាយការសង្ខេបពាក់ព័ន្នលើការងារបង្ការនិងបង្រ្កាបនូវរាល់បទល្មើសព្រហ្មទណ្ឌ ក្នុងទូទាំងខេត្តមណ្ឌលគិរី និងបទល្មើសមួយចំនួនទៀតដូចជាអំពើចោរកម្មសកម្មភាពក្មេងទំនើងជិះម៉ូតូបំពុងស៊ីមាំងលាន់លឺពេញភូមិស្រុក ដែលបានកើតឡើងនៅតាមបណ្តាមូលដ្ឋានមួយចំនួន និង ការជួញដូររក្សាទុកនិងប្រើប្រាស់នូវសាធាតុញៀនដោយខុស។
លោកក៏បានលើកឡើងពីការគ្រប់គ្រងនិងចុះស្ថិតិគ្រួសារ ប្រជាពលរដ្ឋនៅតាមខ្នងផ្ទះដើម្បីកាត់បន្ថយបទល្មើស និង ងាយស្រួលក្នុងការគ្រប់គ្រងមិនឲ្យមានបទល្មើសគ្រប់ប្រភេទកាត់បន្ថយអោយបានកាន់តែល្អប្រសើ។
មុននិងបញ្ចប់ឯកឧត្តម ឧត្តមសេនីយ៍ទោ ស្នងការនគរបាលខេត្តបានអនុញ្ញាតឲ្យលោកអធិការទាំង៥ លើកឡើងនូវបញ្ហាប្រឈមផ្សេងៗមួយចំនួនក្នុងកាអនុវត្តន៍ការងារប្រចាំថ្ងៃយកមកស្រាយបំភ្លឺក៏ដូចជាបញ្ហាប្រឈមមួយចំនួននិងសំណូមពរផ្សេងៗដើម្បីរិះរកវិធីសាសល្អៗយកទៅអនុវត្តន៍ក្នុងការបំពេញការងារអោយមានប្រសិទ្ឋខ្ពស់ក្នុងនោះផងដែរ។
ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តក៏បានដោះស្រាយនូវបញ្ហាប្រឈមចំនួនពីរចំណុច ទី១.ពាក់ព័ន្ធការធ្វើអន្តសញ្ញាណប័ណ្ណ ទី២.ការបង្រៀនបង្ហាត់ពន្យល់ដល់សន្តិសុខដែលយាមនៅក្រុមហ៊ុនឯកជនឬក្រុមហ៊ុននានាឲ្យចេះរាយការណ៍មកកម្លាំងសមត្ថកិច្ចនិងចេះធ្វើការការជាបណ្ដោះអាសន្នមុននិងកម្លាំងសត្ថកិច្ចចុះទៅដល់កន្លែងកើតហេតុ។ លោកក៏បានបន្ថែមចំណុចសំខាន់ៗមួយចំនួនទៀតទៅដល់លោក/លោក នាយប៉ុស្តិ៍ នគរបាលរដ្ឋបាលទាំងអស់ត្រូវពន្លឿននៃការងារធ្វើអត្តសញ្ញាណប័ណ្ណសៀវភៅគ្រួសារ សៀវភៅស្នាក់នៅជូនប្រជាពលរដ្ឋឲ្យបានគ្រប់ចំនួន ដើម្បីងាយស្រួលក្នុងការក្ដាប់សភាពការណ៍ ភូមិសាស្ត្របានល្អហើយវាជាការងាយស្រួលក្នុងការការពារសុវត្ថិភាពសណ្ដាប់ធ្នាប់ ជូនពួកគាត់នៅតាមមូលដ្ឋានផងដែរ៕
