មណ្ឌលគិរី ៖ នាព្រឹកថ្ងៃព្រហស្បតិ៍ ៥រោច ខែភទ្របទ ឆ្នាំខាលចត្វាស័ក ព.ស២៥៦ ត្រូវនឹង ថ្ងៃទី១៥ ខែកញ្ញា ឆ្នាំ២០២២ នៅទីបញ្ជាការវរសេនាតូចនគរបាលការពារព្រំដែនគោក លេខ៣០៣ បានរៀបចំពិធីជួបសំណេះសំណាល សាកសួរសុខទុក្ខដល់កងកម្លាំង វរសេនាតូចនគរបាលការពារព្រំដែនគោកលេខ៣០៣ និង លេខ៦២១ ក្នុងឱកាពិធីបុណ្យកាន់បិណ្ឌ-បុណ្យភ្ជុំបិណ្ឌ ប្រពៃណីជាតិ ព.ស ២៥៦៦ គ.ស២០២២។
ពិធីនេះប្រព្រឹត្តទៅក្រោមអធិបតីភាព ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្ត និង មានការអញ្ជើញចូលរួមពី អស់លោក/លោកស្រី ស្នងការរង ប្រតិភូអមដំណើរ លោកមេបញ្ជាការ មេបញ្ជាការរង នាយ នាយរងផ្នែក និង មន្ត្រីវរៈសេនាតូចទាំង០២។
ក្នុងឱកាសនោះដែរ ឯកឧត្តមឧត្តមសេនីយ៍ទោស្នងការ ក៏បាននាំយកអំណោយដ៏ថ្លៃថ្លា របស់ ឯកឧត្តម នាយឧត្តមសេនីយ៍ សន្តិបណ្ឌិត នេតសាវឿន អគ្គស្នងការនគរបាលជាតិ ជាគ្រឿងឧបភោគបរិភោគ និងថវិកាដើម្បីផ្ដល់ជូនដល់កងកម្លាំងវរសេនាតូចទាំងពីរ ដោយក្នុងមួយវរៈៗសេនាតូចទទួលបាន៖ -ថវិការចំនួន៦លានរៀល (ប្រាំមួយលានរៀល)-អង្ករ២តោន,មី០៥កេះធំ , ត្រីខ ០៥កេះធំ , ទឹកត្រី ៣៣យួរ/កេះ , ទឹកស៊ីអ៉ីវ១០យួរ , ប្រេងឆា ១កេះធំ , ប៊ីចេង ៣គីឡូ , ទឹកសុទ្ធ ២០កេះ , ទឹកអាកុល ១៥០លីត្រ , ជែលលាងដៃ ៣កេះធំ និងសម្ភារៈមួយចំនួនទៀត។ ដោយឡែកឯកឧត្តម ឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស បានជួយឧបត្ថម្ភនូវ ថវិកាផ្ទាល់ខ្លួនចំនួន១,៥០០$។ និងថវិកាសប្បុរសជននានាក្នុងខេត្តមណ្ឌលគិរី ចំនួន ២,០០០$ និង ០៧លានរៀល ផងដែរ។ ស្ថិតក្នុងឱកាស់នោះដែរលោកឧត្តមសេនីយ៍ទោស្នងការ ក៏បានពាំនាំយកនូវការផ្ដាំផ្ញើ សាកសួរសុខទុក្ខពីសំណាក់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជូនដល់កងកម្លាំងនគរបាលការពារព្រំដែនគោកទាំងពីរ ដែលកំពុងបំពេញភារកិច្ចឈរជើងតាមខ្សែបន្ទាត់ព្រំដែន សូម ថែរក្សាសុខភាពឲ្យបានល្អ ដែលជាកត្តាចម្បងចំពោះកងកម្លាំងយើងក្នុងកិច្ចការពារសន្តិសុខ សណ្ដាប់ធ្នាប់ជូនប្រជាពលរដ្ឋ និងមាតុភូមិជាតិ។ បន្ថែមពីនេះ លោកឧត្តមសេនីយ៍ស្នងការ ក៏បានមានប្រសាសន៍ណែនាំដល់កងកម្លាំងដែលឈរជើងនៅតាមខ្សែបន្ទាត់ព្រំដែន ត្រូវពង្រឹងការដើរល្បាត ទាំងល្បាតសហការ និងល្បាតស្របពេលជាមួយកម្លាំងមានសមត្ថកិច្ចពាក់ព័ន្ធ និងភាគីមិត្ត ដើម្បីទប់ស្កាត់ និងធ្វើការបង្ក្រាបទាន់ពេលវេលា នូវរាល់បទល្មើសផ្សេងៗក្នុងតំបន់ព្រំដែន ពិសេសបទល្មើសផ្សេងៗដែលធ្វើសកម្មភាពឆ្លងដែនដោយខុសច្បាប់ និងចូលរួមអនុវត្តយ៉ាងម៉ឺងម៉ាត់តាមវិធានរបស់រាជរដ្ឋាភិបាលនិងក្រសួងសុខាភិបាល «៣កុំ ៣ការពារ» ដើម្បីទប់ស្កាត់ការឆ្លងរីករាលដាលនៃជម្ងឺកូវីដ-១៩ ចូលក្នុងសហគមន៍៕
