មណ្ឌលគិរី ៖ នៅព្រឹក ថ្ងៃសុក្រ៨កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៥៦ ត្រូវនឹង ថ្ងៃទី០៥ ខែសីហា ឆ្នាំ២០២២ ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តបានអញ្ជើញបើកកិច្ចប្រជុំពង្រឹងការងារដល់កងកម្លាំង នៃ អធិការដ្ឋាននគរបាលស្រុកកែវសីមា ។
កិច្ចប្រជុំមានកាអញ្ជើញចូលរួមលោក ស្នងការរងនគរបាលខេត្ត លោកអធិការ លោកអធិការរង នាយ នាយរងផ្នែកជំនាញ លោកនាយ នាយរងផ្នែកជំនាញប៉ុស្តិ៍នគរបាលរដ្ឋបាលជាច្រើនរូបទៀតដែលបានចូលរួមក្នុងពិធីកិច្ចប្រជុំនេះផងដែរ។
ស្ថិតក្នុងឱកាសនោះផងដែរ ឯកឧត្តម ឧត្តមសេនីយ៍ទោស្នងការនគរបាលខេត្ត ក៏បានផ្ដាំផ្ញើនិងដាស់តឿនដល់មន្ត្រី ប៉ុស្តិ៍នគរបាលរដ្ឋបាលទាំងអស់ត្រូវយកចិត្តទុកដាក់ លើការបង្ការនិងបង្ក្រាបរាល់បទល្មើសគ្រឿងញៀន ល្បែងស៊ីសង អំពើ ចោរលួច និង ត្រូវ ជំរុញ ការផ្សព្វផ្សាយ ច្បាប់ និង រឹតបន្តឹង ការអនុវត្ត ច្បាប់ ចរាចរណ៍ ផ្លូវគោក ឲ្យមាន ប្រសិទ្ធភាពខ្ពស់ គ្រប់ប្រភេទឲ្យបានព្រោះវាជាបញ្ហាប្រឈមដល់មូលដ្ឋាននិងសង្គមជាតិរបស់យើង។
ឯកឧត្តម ឧត្តមសេនីយ៍ទោស្នងការលោកបានមានប្រសាសន៍បន្តរទៀតថាមន្ត្រី ជំនាញនគរបាលអត្តសញ្ញាណប័ណ្ណទាំងអស់ ត្រូវខិតខំធ្វើអត្តសញ្ញាណប័ណជូនពលរដ្ឋ ហើយសិក្សាស្រាវជ្រាវបន្ថែមពីលើការសិក្សារៀនសូត្រកន្លងមកត្រូវយកចំណេះដឹងនិងជំនាញទាំងអស់ដើម្បីយកមកបំរើនៅតាមអង្គភាពរបស់ខ្លួនឲ្យបានត្រឹមត្រូវនឹងល្អប្រសើជាពិសេស ជំនាញបង្ក្រាបនៅបទព្រហ្មទណ្ឌ បង្ក្រាបក្មេងទំនើងមានអាវុធ លោកបង្ហាញពីវិធីបង្ក្រាបប្រឈមនិងសុវត្ថិភាពវិធីសាស្ត្រនៃការការពារខ្លួនយើងពីជនសង្ស័យ។
ថែទាំសុខភាពដើម្បីការពារពីការឆ្លងរាលដានៃជំងឺCovid ១៩(កូវីដ១៩) ជាចុងបញ្ចប់លោកស្នងការក៏បានថ្លែងអំណរគុណដល់មន្ត្រីដែលបានខិតខំប្រឹងប្រែងលើការបំពេញការងារប្រចាំថ្ងៃបានល្អកន្លងមក ។
ខណៈពេលនោះដែរ ឯកឧត្តមស្នងការក៏បានជូនពរដល់មន្ត្រីនគរបាលអោយជួបតែ ពុទ្ធពរទាំង ៤ប្រការគឺអាយុ វណៈ សុខៈ ពល: កុំបីឃ្លៀងឃ្លាត ឡើយ៕
