ខេត្តក្រចេះ÷ លោក ឧកញ៉ា គង់ ក្រឹង និង លោកជំទាវ ម៉ាន សារ៉ស់ ចុះសួរសុខទុក្ខនិងសំណេះសំណាលជាមួយលោក តាលោកយាយកុមារ៉ាកុមារីនៅភូមិសំបួ ឃុំ ស្វាយជ្រះ ស្រុក ស្នួល ខេត្ត ក្រចេះប្រម៉ានជា ១៥០ នាក់ដោយមានការចូលរួមពីលោក សេន ម៉ាហៀត គណៈអ៊ីមាំស្រុក,ហាកឹម,តួន និងក្រុមប្រឹក្សាភូមិ ឃុំស្វាយជ្រះ ស្រុកស្នួល ខេត្ត ក្រចេះ ព្រមទាំងពាំនាំនូវសំភារៈមួយចំនួនដូច ជា មេក្រូ,អាគុយ,អាំភ្លី,ក្បាល FMមួយឈុត មានម៉ៃក្រូហ្វូន២,ផ្ទាំងសិលាប្រើពន្លឺព្រះអាទិត១ឈុត ជួយដល់ក្រុមកីឡាបាល់ទាត់ ៤០០០០០៛ និងអ្នកដែលមានវត្តមានក្នុងពិធីចំនួន១៥០ នាក់ក្នុងមួយនាក់ៗ ទទួលបានថវិកា ១០០០០៛ សរុបចំណាយថវិការអស់ ១៥០០$ នៅព្រឹកថ្ងៃទី១២ខែ មិនា ឆ្នាំ២០១៧ ។
លោក ឧកញ៉ា គង់ ក្រឹង បានសំណេះសំណាលជាមួយប្រជាពលរដ្ឋទាំងទឹកមុខញញឹមរំភើបសប្បាយរីករាយដែលបានចុះមកដល់ចុងកាត់មាត់ញកនៅភូមិឃុំខាងលើដោយមាន ការស្នើសំពីប្រជាពលរដ្ឋនៅតំបន់នោះហើយលោក ឧកញ៉ាក៏បានរៀបរាប់ពីសមិទ្ឋិផល ដែលជួយកសាងហេដ្ឋារចនាសម្ព័ន្ឋដូចជា ផ្លូវថ្នល់ សាលារៀន ព្រះវិហ៊ារវត្តអារាមនិងប្រជាពលរដ្ឋទីទាល់ក្រគ្មានទីពឹងក៏ដូចជាសង្គមជាតិទាំងមូលផងដែរដើម្បីកាត់បន្ថយភាពក្រីក្រជូនប្រជាពលរដ្ឋនិងរាជរដ្ឋាភិបាលកាន់តែរីកចំរើនក្រោមការដឹកនាំដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ដោយសារភាពសណ្តោសប្រោសប្រណីមានក្តីមេត្តាចំពោះប្រជាពលរដ្ឋក្រីក្រជួបការលំ បាកនិងបានកសាងនូវសមិទ្ឋិផលជាច្រើនទៀតទើបព្រះបាទនរោត្តមសីហមុនីព្រះមហាក្សត្រនៃព្រះរាជាណាចក្រកម្ពុជាទ្រង់បាន ប្រោសប្រទាននូវគ្រឿងឥស្សរិយយសថ្នាក់មហាសេរីវឌ្ឍន៍និងបរមងារជា ឧ កញ៉ាក្នុងការជួយសង្គមជាតិ។
លោកឧកញ៉ា និងលោកជំទាវត្រូវបានប្រជាពលរដ្ឋគោរពស្រលាញ់គ្រប់ៗគ្នា មិនត្រឹមតែប៉ុណ្ណោះទៀតសោត ប្រជាពលរដ្ឋភាគច្រើនបានដាក់ងារថា ឧកញ៉ា ចិត្តបុណ្យឫ ឧកញ៉ាចិត្តធម៌។
លោក ឧកញ៉ា គង់ ក្រឹង និងលោកជំទាវ ម៉ាន សារ៉ស់ តែងតែមានចិត្តសប្បុរសធម៌ ចូល ចិត្តធ្វើបុណ្យដាក់ទានដោយមិនប្រកាន់ពូជសាសន៍ព៌ណសមប្បុរឡើយដូច្នេះសូមអល់ឡោះជាម្ចាស់តាមថែរក្សាលោក ឧកញ៉ានិងលោកជំទាវព្រមទាំងក្រុមគ្រួសាររកស៊ីទទួលទានមាន បានអាយុយឺនយូរ ដើម្បីជួយដល់ប្រជាពលរដ្ឋក្រក្រីគ្មានទីពឹងបន្តទៅទៀត ៕
ដោយ ហ៊ីម ម៉ាត់
