ខេត្តបន្ទាយមានជ័យ ៖ នៅថ្ងៃទី ១០ ខែមីនា ឆ្នាំ២០១៧ កម្លាំងវរសេនារតូចការពារព្រំដែនគោកលេខ ៩១១ ដឹកនាំដោយលោកវរៈសេនីយ៍ឯក សូ ចាន់ណារី មេបញ្ជាការវរៈ ៩១១ លោក សួន បូរ៉ា មេបញ្ជាការរង បានដឹកនាំកម្លាំងចំនួន ១២នាក់ សហការជាមួយកម្លាំងប៉ុស្តិ៍រដ្ឋបាល និងមេភូមិ ព្រមទាំងប្រជាពលរដ្ឋ បានជួយសាងសង់ផ្ទះរបស់ប្រជាពលរដ្ឋដែលរងគ្រោះដោយខ្យល់កន្ត្រាក់មួយខ្នង ទំហំ ៤ គុណនឹង ៦ ដែលស្ថិតនៅក្នុងភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ កាលពីថ្ងៃទី ០៨ ខែមីនា ឆ្នាំ២០១៧ ។
នៅក្នុងឱកាសនោះដែរ លោកវរៈសេនីយ៍ឯក សូ ចាន់ណារី មេបញ្ជាការវរៈ ៩១១ បានចំណាយ ថវិកាផ្ទាល់ខ្លួនចំនួន ៤០០.០០០រៀល (សែសិបម៉ឺនរៀល)ដើម្បីជួយទិញឈើ និងស័ង្កសី ៕
