មណ្ឌលគិរី ៖ នៅព្រឹក ថ្ងៃព្រហស្បតិ៍១១រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៦ ខែឧសភា ឆ្នាំ២០២២ នៅសាលប្រជុំស្នងការដ្ឋាននគរបាលខេត្ត ក្រោមអធិបតីភាពឯកឧត្តម ឧត្តមសេនីយ៍ទោ
ឡោ សុខា ស្នងការនគរបាលខេត្ត និង មានការអញ្ជើញចូលរួមពីលោក លោកស្រីស្នងការរង
លោក លោកស្រី នាយការិយាល័យជំនាញ អធិការនគរបាល ក្រុង ស្រុក ទាំងប្រាំ និង
វរសេនាតូចនគរបាល ការពារព្រំដែន គោកទាំងពីរ លោក លោកនាយប៉ុស្តិ៍នគរបាលរដ្ឋបាលទាំង២១ឃុំសង្កាត់ សរុបអ្នកចូលរួម ចំនួន ៦៥ រូប។
ជាកិច្ចចាប់ផ្ដើមឯកឧត្តម ឧត្តមសេនីយ៍ទោ ស្នងការនគរបាលខេត្តបានមានប្រសាសន៍ប៉ុន្មានចំណុចដូចខាងក្រោម៖
១-ពង្រឹងលើផែនការ ស្ដីពីកិច្ចការពារសន្ដិសុខ រក្សាសុវត្ថិភាព និងសណ្ដាប់ធ្នាប់សាធារណៈសម្រាប់យុទ្ធនាការ នៃការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ រហូតដល់ការរាប់សន្លឹកឆ្នោតនិងប្រកាស លទ្ឋផលនៃការបោះឆ្នោតត្រូវបានបញ្ចប់ជាស្ថាពរ។
២-ណែនាំបន្ថែមអំពីក្រមសីលធម៌ វិន័យ អាកប្បកិរិយា ឥរិយាបថ វិជ្ជាជីវៈនិងក្រមសីលធម៏របស់កងកម្លាំងនគរបាលជាតិ និងបម្រាមមួយចំនួនចំពោះនគរបាល និងភ្នាក់ងារសន្តិសុខបោះឆ្នោត។
៣-ផ្សព្វផ្សាយអំពើសាទូរលេខចំពោះការជូនដំណឹងស្ដីពីការណែនាំរបស់អគ្គស្នងការនគរបាលជាតិ លេខ០៣២ ។
៤-ពពង្រឹងសន្តិសុខសណ្តាប់ធ្នាប់និងសុវត្ថិភាព សណ្ដាប់ធ្នាប់សាសាធារណៈក្នុងកាបោះឆ្នោតអោយមានកាស្ងប់ស្ងាត់និងរលូននិងមានតម្លាភាព។
៥-ពង្រឹងលើការងារសន្តិសុខនៅតាមបណ្តា ផែនជំនាញនិងលោក អធិការដ្ឋាននគរបាលស្រុក-ក្រុង និងប៉ុស្ត៍នគរបាលរដ្ឋបាលក្នុងយុទ្ធនាកាឃោសនាបោះឆ្នោតនិងក្នុងថ្ងៃបោះឆ្នោតជ្រើសរើសឃុំសង្កាត់អាណត្តិទី៥។
៦-ពង្រឹងវេនប្រចាំបញ្ជា ប្រចាំការកម្លាំងល្បាត ត្រៀមសម្ភារៈ និង មធ្យោបាយធ្វើដំណើក្នុងពេលចេញប្រតិបត្តិការ ២៤ម៉ោង/ម៉ោង ត្រៀមកម្លាំងសំរាប់ចេញអអន្តរាគមន៍នៅពេលសភាពការណាមួយដែលបានកើតឡើងជាយថាហេតុ។
៧-ត្រូវក្តាប់អោយបានរាល់ការងាសន្តិសុខនៅសណ្តាប់ធ្នាប់នៅក្នុងមូលដ្ឋានដែលខ្លួនរស់នៅអោយបានច្បាស់លាស់៕
