នាព្រឹកថ្ងៃអង្គារ ១២រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៩ ខែមីនា ឆ្នាំ២០២២ ដោយយោងតាមអនុសាសន៍របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងការចុះវាស់វែងកាត់ឆ្វៀលដីជូនប្រជាពលរដ្ឋរស់នៅយូរឆ្នាំក្នុងតំបន់ការពារ និងរបៀងអភិរក្សជីវចម្រុះ រដ្ឋបាលខេត្តស្ទឹងត្រែង បានរៀបចំកិច្ចប្រជុំស្តីពីក្រុមការងារចុះវាស់វែងដី កាន់កាប់របស់ប្រជាពលរដ្ឋរស់នៅយូរឆ្នាំក្នុងតំបន់ការពារធម្មជាតិ និងរបៀងអភិរក្សជីវចម្រុះប្រព័ន្ធការពារធម្មជាតិ ក្នុងភូមិសាស្ត្រ ខេត្តស្ទឹងត្រែង ក្រោមអធិបតីភាព ឯកឧត្ដម ស្វាយ សំអ៊ាង អភិបាលនៃគណៈអភិបាលខេត្ត ស្ទឹងត្រែង នឹងមានការចូលរួម ពីឯកឧត្តមអភិបាលរងខេត្ត គណៈអភិបាលក្រុង/ស្រុក មន្ទីរអង្គភាពដែលពាក់ព័ន្ធ ជាច្រើនរូប ផងដែរ៕
