មណ្ឌលគីរី ៖ នៅព្រឹក ថ្ងៃអង្គារ០៩ កើត ខែបុស្ស ឆ្នាំ ឆ្លូវ ត្រីស័ក ពុទ្ធសករាជ ២៥៦៥ត្រូវនឹងថ្ងៃទី ១១ ខែ ឆ្នាំ ២០២២ វេលាម៉ោង០៩និង០០នាទី ព្រឹកនៅស្នងការដ្ឋាននគរបាលខេត្តមណ្ឌលគិរីក្រោមអធិបតីភាពលោកឧត្តមសេនីយ៍ត្រី សៅ សាវ៉ាត ស្នងការរងផែនការងារធនធាន មនុស្សជាតំណាងដ៍ខ្ពស់ខ្ពស់ឯកឧត្តម ឧត្តមសេនីយ៍ទោ ឡោ សុខា ស្នង ការនគរបាលខេត្តមណ្ឌលគិរី ។
ព្រមទាំងមានការអញ្ជើញចូលរួមពីលោក.លោកស្រី.នាយ.នាយរងការិ យាល័យជំនាញ ដូចជា លោកវរសេនីយ៍ទោ សៀង ម៉ារ៉ា នាយរងការិយាល័យបគ្គលិក និង ក្រុមការងារក្នុងការិយាល័យបុគ្គលិក រួមទាំង លោកស្រីវរសេនីយ៍ទោ កុសល្យ ពិសី នាយរងការិយាល័យគណនេយ្យបានប្រគល់នូវថវិកាចំនួន ៦.០០០.០០០៛(ប្រាំមួយលានរៀល) ជូនដល់ លោកស្រី ឈួន នី ត្រូវជាប្រពន្ធ សពឈ្មោះ លោក ចាន់ តេន មន្ត្រីនគរបាល ។ ដែលជាថវិកា សមាគមន៍មិត្តនគរ បាលជាតិ លោកឧត្តម សេនីយ៍ត្រី សៅ សាវ៉ាត ស្នងការរង បានសំដែងនូវទុក្ខយ៉ាងក្រៀមក្រំចំពោះការបាត់ បង់កងកម្លាំងនគរ បាលជាតិ ដែលរយះពេលកន្លង មកបានខិតខំបំពេញការងារជូនអង្គ ភាពយ៉ាងសកម្មក្នុងការបំរើជាតិមាតុភូមិ។
ឆ្លៀតក្នុងឱកាសនោះដែរលោកឧត្តមសេនីយ៍ត្រី សៅ សាវ៉ាត បានបញ្ចាក់បន្ថែមទៀតថាថវិកាទាំងអស់នេះគឺបានមកពីសមាគមន៍មិត្តនគរបាលជាតិដែបង់ ថវិកាជាប្រចាំ សំរាប់នៅពេលមានទុក្ខធុរះដូចជាពេលនេះ ។
បន្ទាប់មកក្រុមគ្រួសារនៃសពបានថ្លែងអំណរអរគុណយ៉ាងជ្រាលជ្រៅដល់សមាគមន៍មិត្តនគរបាលជាតិដែលយកចិត្តទុកដាក់ចំពោះពួក គាត់និងសូមជូនពរអោយក្រុម ការងារជួបតែសេចក្តីសុខកុំបីឃ្លៀងឃ្លៀតឡើយ ។
