អ្នកបង់រំលស់ម៉ូតូពីរនាក់ប្តីប្រពន្ធរួមទាំងម្តាយម្នាក់ផង បានស្រែកទ្រហ៊ោយំគួរអោយអាណោចអធមបំផុត នៅចំពោះមុខអ្នកសារព័ត៌មានយើង កាលពីម្សិលមិញ។ សម្រែកទ្រហ៊ោយំនេះកើតឡើង ព្រោះតែពួកគាត់មានការឈឺចាប់ឥតឧបមាបាន ដោយសារតែ មានមីក្រូហិរញ្ញវត្ថមួយឈ្មោះ Chailease Royal ដែលមានទីតាំងក្រុមហ៊ុនលើផ្លូវព្រះមុនីវង្សជាន់ទី១ ក្នុងភូមិ សង្កាត់ ខណ្ឌ (ក្បែរគល់ស្ពានមុនីវង្ស) បានដកហូតយកមូតូរបស់ពួកគាត់ ដែលបានបងរំលស់អស់៦៦៦$ទៅហើយ(កក់៣៨០$+ បង់រំលស់បាន២ខែ១៧៦$+១១០$សេវាហាងម៉ូតូ)ដោយប្រើវិធីរឹបអូសយ៉ាងសាហាវ ស្របតាមកិច្ចសន្យា និងលិខិតបង្ខំរឹបអូស ដោយគ្មានការយោគយល់ដល់កូនបំណុលបន្តិចឡើយ ក្នុងកាលៈទេសៈកំពុងប្រឈមវិបត្តិគោវុីត១៩ សេដ្ឋកិច្ចគ្រួសារគាត់កំពុងវេទនានេះ មិនតែប៉ុណ្ណោះមីក្រូហិរញ្ញវត្ថុខាងលើប្រើលេសពន្យាពេល(តេមិនលើក លើកមិននិយាយ ភូតភរថាទៅខេត្ត)មិនអោយមានការជួបចរចា របង់លុយដើម្បីយកម៉តូមកវិញយ៉ាងគំរក់ទៀត ។
ជនរងគ្រោះបានអះអាងទាំងខ្សឹកខ្សួលថា៖អំពើរបស់មីក្រូហិរញ្ញវត្ថុ Chaileas Royal ធ្វើបែបនោះ គឺជាការបំពានសិទ្ធិកូនបំណុលហួសហេតុ។ពួកគាត់មិនដឹងថាស្ថាប័នជាអាណាព្យាបាលពួកមីក្រូហិរញ្ញវត្ថុ មានដូចជា ធនាគារជាតិ និងសមាគមមីក្រូហិរញ្ញវត្ថុកម្ពុជា ជាដើមអនុញ្ញាត្តអោយមីក្រូហិរញ្ញវត្ថុ ប្រើប្រាស់វិធានការណ៍លើកូនបំណុលដូចជាអំពើចោរប្លន់បែននេះឬដូចម្តេច?ខ្ញុំឈឺចាប់ណាស់។
ជនរងគ្រោះមានឈ្មោះ ថោង ផាតម៉ារី(ប្រពន្ធ)និងឈ្មោះ ខឹមសុខបញ្ញារត្ន័(ប្តី)មានលំនៅផ្ទះលេខ១៦១ ផ្លូវលេខ៤ ភូមិក្បាលទំនប់ សង្កាត់បឹងទំពន់២ ខណ្ឌមានជ័យ ក្រុងភ្នំពេញបានរៀបរាប់អោយដឹងថា៖ពួកគាត់ពីរនាក់ប្តីប្រពន្ធបនទៅសុំបង់រំលស់មូតូពីហាងលក់ម៉តូឈ្មោះ ប្រាក់ សម្បត្តិ នៅផ្ទះលេខ ៧៥AE0 ផ្លូវលេខ១៤១ សង្កាត់បឹងព្រលឹត ខណ្ឌ៧មករា ភ្នំពេញកាលពៅថ្ងៃទី២៨ខែ៧ឆ្នាំ២០២១ ដោយបង់មុនចំនួន៣៨០$ ។ ពួកគាត់បន្តថា៖បន្ទាប់ពីព្រមព្រៀងជាមួយម្ចាស់ហាងមកគាត់បានជ្រើសយកម៉តូម៉ាកscoopyផលិតឆ្នាំ២០២០ក្នុងតម្លៃ២៧០០$ ពីម្ចាស់ហាងយីហោប្រាក់សម្បត្តិដោយព្រមបង់មុន៣៨០$។
ម្ចាស់ហាងម៉ូតូក៏បានជ្រើសរើស មីក្រូហិរញ្ញវត្ថុឈ្មោះ Chaileas Royal អោយពួកគាត់បង់រំលស់ជាមួយគ្នា។ ខណៈនោះបើពួកខ្ញុំដឹងថាជាមីក្រូហិរញ្ញវត្ថុរបស់ពួកចិនពួកខ្ញុំមិនយកម៉ូតូនោះឡើយព្រោះធ្លាប់ល្បីថាពួកអាចិនភាគច្រើនរកសុីថោកទាប អារកកូនបំណុលសាហាវយូរហើយ។ទីបំផុតគឺសាហាវមែន មិនដឹងថាហាងម៉តូ ឈ្មោះប្រាក់ សម្បត្តិ និងមីក្រូហិរញ្ញវត្ថុ Chaileas Royal មានទំនាក់ទំនងរកសុីត្រឹមត្រូវឬរកសុីគប់គឹតគ្នារទុច្ចរឹតឬយ៉ាងណាទេ? តែពួកខ្ញុំចាប់ផ្តើមពីខ្លួនឯងសង្ស័យថា អាចមានហាងម៉ូតូខ្លះរកសុីគប់គឹតជាមួយមីក្រូហិរញ្ញវត្ថុថោកទាប ដែលមានលក្ខណៈរកសុីកម្ចីដូចចោរប្លន់បេះបិត ហើយមីក្រូទាំងនោះអាចកំពុងមានប្រតិបត្តុការរកសុីរបៀបប្លន់រាស្ត្រខ្មែរ ។ ករណីនេះស្ថាប័នពាក់ពន្ធ័គួរចុះត្រួតពិនិត្យជាបន្ទាន់នូវបណ្តាហាងម៉ូតូបង់រំលស់ដែលចាប់យកដៃគូ និងមីកមរូហិរញ្ញវត្ថុដែលមានកិច្ចសន្យាជាលក្ខណៈជាចោរប្លន់ផងទាន!។
អ្នកមានបំណងបង់រំលស់មូតូ កុំចេះតែចង់បានម៉ូតូគេយកទៅជិះទាំងតក់ក្រហល់អោយសោះ។ឆ្លងកាត់មេរៀនខាងលើនេះ តម្រូវអោយអ្នកបង់រំលស់ម៉ូតូ គប្បីជ្រើសហាងលក់ម៉ូតូត្រឹមត្រូវគប្បីជ្រើសរើស មីក្រូហិរញ្ញវត្ថុអំណោផល មិនចេះអារកកូនបំណុល ដើម្បីការពារខ្លួនការពារយានយន្តខ្លួនពេញចិត្តជាមុន មិនមែនចេះចង់បាន គេអោយផមតិតមេដាយប្តិតមិនបើកភ្នែកនោះទេ ព្រោះបចចុប្បន្ននេះអាចមានហាងលក់ម៉ូតូខ្លះ ជាដៃគូជាមួយមីក្រូហិរញ្ញវត្ថុ ធ្វើកិច្ចសន្យារបៀបប្លន់ ខ្លះគ្មានការគ្រប់គ្រងត្រឹមត្រូវទេ ត្រូវជ្រើសរើសមីក្រូហិរញ្ញវត្ថុណាមានកេរ្តិ៍ឈ្មោះល្អ ដែលមានកិច្ចសន្យាមិនដូចកិច្ចសន្យាចោរប្លន់ស្របច្បាប់៕
