នាព្រឹកថ្ងៃចន្ទ ៩កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែធ្នូ ឆ្នាំ២០២១នេះ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តស្ទឹងត្រែង បានអញ្ជើញជាអធិបតីក្នុងពិធីបិទផ្សាយជាសាធារណៈនូវឯការនៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ នៅក្នុងភូមិស្រែស្រណុក ឃុំក្បាលរមាស ស្រុកសេសាន ខេត្តស្ទឹងត្រែង ចំនួន ៧០៣ក្បាលដី។(ពិធីបិទផ្សាយនេះចាប់ពីថ្ងៃទី១៣ ខែធ្នូ រហូតដល់ថ្ងៃទី២៧ ខែធ្នូ ឆ្នាំ២០២១ ជារៀងរាល់ថ្ងៃ)។
មានការអញ្ជើញចូលរួមពីសំណាក់ នាយករងរដ្ឋបាលសាលាខេត្ត អភិបាលស្រុកសេសាន កងកម្លាំងប្រដាប់អាវុធទំាង៣ប្រភេទ ប្រធាន-អនុប្រធានមន្ទីរ-អង្គភាព ពាក់ព័ន្ធ អាជ្ញាធរមូលដ្ឋាន ព្រមទាំងបងប្អូនប្រជាពលរដ្ឋ សរុបប្រមាណជាង ២០០នាក់។
ក្នុងឱកាសនោះដែរឯកឧត្តម អភិបាលខេត្ត បានផ្តល់ជូននូវ អាវរងា ចំនួន ៥០អាវ ជូនដល់លោកតា លោកយាយចំនួន ៥០នាក់ ដែលជាអំណាយផ្ទាល់របស់ ឯកឧត្តម និងលោកជំទាវផងដែរ។ ទន្ទឹមនឹងនោះដែលឯកឧត្តម បានអញ្ជើញបន្តចុះពិនិត្យដំណើរការចាក់វ៉ាក់សាំង ដល់ប្រជាពលរដ្ឋ នៅមណ្ឌលសុខភាពក្បាលរមាស និងបានឧបត្ថម្ភថវិកាចំនួន ៣០០ដុល្លារ ជូនដល់ក្រុមគ្រូពេទ្យ ដែលជាថវិកាផ្ទាល់របស់ឯកឧត្តម៕
