ខេត្តរតនៈគីរី ៖ ប្រភពព័ត៌មានពីក្រុម មន្ត្រីបានឱ្យដឹងថា ការយកដី ខាងលើនេះ ធ្វើជាផ្សាររាត្រី និងបើកឱ្យមានការប្រគុំតន្ត្រី លក់ផលិតផលផ្សេងៗពិសេស ស្រាបៀរ ត្រូវបានអាជ្ញាធរ ក្រុងបានលុងយកលេសអភិវឌ្ឍន៍កាកបាទក្រហម ដើម្បី យកលុយនោះមកជួយប្រជាពលរដ្ឋដែលជួបវិបត្តិផ្សេងៗ ដូចជា ទឹកជំនន់ គ្រោះអគ្គិភ័យ ផ្សេងៗជាយថាហេតុសម្រាប់ ប្រជាពលរដ្ឋនៅទូទាំងខេត្ត រតនគីរី តែធាតុពិតលុយ ចំណូលពីផ្សាររាត្រីនេះគឺយក មកចែកគ្នាធ្វើមានធ្វើបាន ។
ប្រភពពីអាជ្ញាធរ ក្រុងបានលុងបានឃុបឃិតគ្នាជាប្រព័ន្ធយកដីរបស់មន្ទីរ សាធារណការនិងដឹកជញ្ជូន ខេត្តរតនគីរីស្ថិតនៅចំកណ្តាល ក្រុងបានលុង ក្នុងភូមិអូរកន្តិល សង្កាត់បឹងកន្សែង ក្រុងបាន លុង ខេត្តរតនគីរី ដែលមាន ក្បាលដីទទឹងជាង ១០០ ម៉ែត្រ បណ្តោយជាង ២០០ ម៉ែត្រ ទៅធ្វើផ្សាររាត្រីដើម្បី អូសទាញការប្រគុំតន្ត្រីលក់ ផលិតផលនានាដូចជា ស្រា បៀរលីអូ ស្រាបៀរកម្ពុជា ស្រាបៀរអង្គរ និងភេសជ្ជៈ ំ១៥០ ជាដើម ៘
បើតាមការឱ្យដឹងនៅ ពេលមានការប្រគុំតន្ត្រីម្តងៗ គេសង្កេតឃើញមានរថយន្ត ដាក់មេក្រូលើដំបូលដើរ ឃោសនាកងរំពងគ្រប់ច្រក ល្ហកដើម្បីឱ្យប្រជាពលរដ្ឋទូទាំង ខេត្តរតនគីរីមកមើលការប្រគុំ តន្ត្រី ។ នៅពេលការប្រគុំតន្ត្រី ចាប់ផ្តើមប្រគុំ គេសង្កេត ឃើញកន្លែងផ្ញើម៉ូតូនិងរថយន្ត ជាច្រើនកន្លែងត្រូវបង់លុយឱ្យ ម្ចាស់វិនិយោគផ្សាររាត្រីចំនួន ២៥.០០.០០០រៀល ទៅ ៣០.០០.០០០រៀល ក្នុង មួយកន្លែង និងយកតម្លៃម៉ូតូ មួយគ្រឿង ២០០០រៀល ឯ រថយន្តមួយគ្រឿង ៥០០០ រៀល ។
ក្រៅពីនេះទៅទៀតម្ចាស់ ផ្សាររាត្រី បានសង់តូបជុំវិញ រាប់រយតូបជួលឱ្យអាជីវករ លក់ក្នុងមួយតូបក្នុងតម្លៃ ៨០ ទៅ ១០០ដុល្លារ ។ មិនតែ ប៉ុណ្ណោះ អ្នកវិនិយោគផ្សារ រាត្រីនេះ បានទាក់ទងទៅ ប្រទេសថៃឱ្យប្រជាជនថៃ មានរបរដើរលក់ចល័តតាម ព្រំប្រទល់ជាប់ប្រទេសខ្មែរ ប្រទេសឡាវ និងវៀតណាម មកលក់នៅផ្សាររាត្រីនូវ ទំនិញខូចគុណភាពមានដូច ជា មឹក បង្គា ប្រហិត បន្លែ ផ្លែឈើនិងរបស់របរប្រើប្រាស់ ក្នុងផ្ទះមានដូចជា ពួក ខ្នើយ ស្បែកជើង សម្លៀកបំពាក់ ទឹកអប់ និងឡេជាដើម ៘ ប្រការនេះធ្វើឱ្យអាជីវករផ្សារ បានលុងក្តៅក្រហាយដេកមិន លក់ ព្រោះអាជីវករថៃយក ទំនិញដែលខូចគុណភាព មិន មានគុណភាពមកលក់អោយ ពលរដ្ឋខ្មែរ ដែលរបរទាំងនេះ ប្រជាជនថៃគេមិនប្រើប្រាស់ និងមិនហ៊ានបរិភោគ នោះទេ ព្រោះច្បាប់នៅប្រទេសគេមិន អនុញ្ញាតឱ្យអាជីវករថៃទាំង នោះលក់ទំនិញខូចគុណភាព សោះឡើយ ។
ប្រជាពលរដ្ឋនៅក្នុងក្រុង បានលុងបានប្រាប់អ្នកសារព័ត៌ មានឱ្យដឹងថា រាល់ការប្រគុំ តន្ត្រីនិងមានទំនិញថៃមកលក់ នៅផ្សាររាត្រីម្តងៗមានចំនួន រាប់រយឡានដាក់លក់នៅក្នុង ផ្សាររាត្រីក្រុងបានលុងមាន រយៈពេលចាប់ពី ៣ទៅ ៧ថ្ងៃ ប៉ុន្តែទោះបីទំនិញទាំងនោះ ខូចគុណភាពក៏ដោយក៏មិន សូវឃើញសមត្ថកិច្ចជំនាញ គយកាំកុងត្រូលមកត្រួតពិនិត្យ ទំនិញខូចគុណភាពដែលជន បរទេសយកមកលក់នោះ ឡើយ ។ តែបើមកពិនិត្យទំនិញ ទាំងនោះវិញគឺបានត្រឹមលើក កំប៉ុងទំនិញឡើង និងដាក់ចុះ វិញ ហើយនាំគ្នាដើរចេញពី ផ្សាររាត្រីឡើងឡានធ្វើព្រ-ងើយដែលសកម្មភាពនេះ គេ សង្ស័យថា ម្ចាស់វិនិយោគ ផ្សាររាត្រីញាត់លុយចូលមាត់ ហើយមើលទៅបានជាមក ពិនិត្យទំនិញមិនបានគ្រប់ជ្រុង ជ្រោយ ។
ប្រជាពលរដ្ឋខេត្តរតនគីរី សូមសំណូមពរដល់ថ្នាក់លើ ដែលជាប់ពាក់ព័ន្ធជួយមើល ការដែលយកដីរដ្ឋធ្វើអាជីវកម្ម យកលុយចែកគ្នាចាយក្រោម លេសអភិវឌ្ឍកាកបាទក្រហម ៕សារព័តមានយេីងពំុអាចសំុការបំភ្លឺពីមន្រ្តីពាក់ព័ន្ធបានទេនៅពេលនេះ?៕
