កំពង់ចាម: នៅព្រឹកថ្ងៃទី០១ ខែតុលា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានអមដំណេីរ ឯកឧត្ដម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ អញ្ជេីញចុះត្រួតពិនិត្យមេីល ការរៀបចំជួសជុលកែលម្អ និងបំពាក់សម្ភារ បរិក្ខារផ្សេងៗ ស្ថិតនៅឃ្លាំងរោងចក្រហ្គ្រីនត្រេដ ភូមិត្រពាំងចារ ឃុំក្រឡា បម្រើឲ្យកន្លែងសម្រាក និងព្យាបាលជំងឺកូវីដ-១៩ កម្រិតស្រាល ក្នុងខេត្តកំពង់ចាម ។
សូមបញ្ជាក់ថា កន្លែងសម្រាកព្យាបាលជំងឺកូវីដ-១៩ ខាងលើនេះ មានអាគារធំៗ ចំនួន៣ខ្នង ទុកនៅទំនេរ គ្រប់គ្រងដោយមន្ទីរពាណិជ្ជកម្មខេត្ត ស្ថិតនៅក្នុងឃុំក្រឡា ស្រុកកំពង់សៀម ដែលមានចំង៉ាយប្រមាណ៧គីឡូម៉ែត្រ ពីក្រុងកំពង់ចាម ដែលគិតមកដល់ពេលនេះ សំណង់ខាងលើសម្រេចការជួសជុល និងបំពាក់សម្ភារ បរិក្ខារ បានប្រមាណ៨០ ភាគរយហើយ ដោយនឹងដាក់ឱ្យដំណើរការនៅដើមខែតុលា ឆ្នាំ២០២១នេះ ។
ក្នុងដំណេីរចុះត្រួតពិនិត្យនេះដែរ មានការចូលរួមពីសំណាក់៖ ឯកឧត្ដម អភិបាលរងខេត្ត លោកនាយរដ្ឋបាលសាលាខេត្ត លោកប្រធានមន្ទីរអង្គភាពជុំវិញខេត្ត កងកម្លាំងប្រដាប់អាវុធ លោកអភិបាលស្រុក និងមន្រ្តីរាជការថ្នាក់ខេត្តជាច្រេីនរូបផ្សេងទៀត ៕
