ខេត្តប៉ៃលិន ៖ ការត្រួតពិនិត្យនិងទប់ស្កាត់នូវទំនិញបង់ពន្ធមិនគ្រប់និងទំនិញបង្កបមិនមានការពិនិតឡើយដោយសារលោក ទុំ ណូ និងលោក រិត គង់មានការឃុបឃិតគ្នាជាប្រព័ន្ធជាមួយក្រុមឈ្មួញ។
ប្រភពបន្តថា ក្រោយពីលោក រិត គង់ឡើងកាន់ជាប្រធានការិយាល័យច្រកទ្វារព្រំមកឈ្មួញធំៗនៅតែបន្តនាំទំនិញគេចពន្ធ ទំនិញបង្កប់ និងទំនិញបង់ពន្ធមិនគ្រប់ដដដែលនិងអាចដំណើរការទៅបាន យ៉ាងរលូនគ្មានការរំខានពីមន្ត្រីជំនាញឡើយ។
មន្ត្រីគយមួយរូបបានបង្ហើបឲ្យដឹងថា កាលដែលលោក រិត គង់ហ៊ានបើកដៃអោយឈ្មួញនាំទំនិញគេចពន្ធចូលនិងទំនិញបង់ពន្ធមិនគ្រប់តាមអំពើចិត្តនោះដោយសារមានឃុបឃិតគ្នាជាមួយលោក ទុំ ណូ ប្រធានសាខាគយខេត្តប៉ៃលិនផងដែរ។
គួររំលឹកផងដែរថា ក្រោយមានការផ្លាស់ប្តូរប្រធានការិយាល័យគយច្រកទ្វារអន្តរជាតិព្រំរួចមកនោះក៏គេសង្កេតឃើញសកម្មភាពដដែលៗកើតឡើងគ្មានអ្វីខុសប្លែកពីជំនាន់លោកម៉ៅ សំអឿន នោះឡើយ។
បើតាមប្រជាពលរដ្ឋដែលនៅជិតច្រកនោះបាននិយាយថាការបង់ពន្ធរបស់ទំនិញនាំចូលមកត្រូវកំណត់អោយបង់៤០ ទៅ៥០ភាគរយនេះជំនាន់លោក ម៉ៅ សំអឿន តែមកដលជំនាន់លោក រិត គង់វិញគេឃើញបង់តែ១៥ភាគរយតែប៉ុណ្ណះ។
ទន្ទឹមនឹងនេះ សមត្ថកិច្ចពាក់ព័ន្ធច្រកទ្វារនេះបានបង្ហើបប្រាប់ថា លោករិត គង់មានជំនាញខាងឃុបឃិតបើកដៃអោយឈ្មួញនាំទំនិញគេចពន្ធចូលតាំងពីលោកនៅកាន់អនុការិយាល័យច្រកទ្វារព្រុំមកម្ល៉េះ។
ប្រភពបញ្ជាក់ថា ទំនិញគេចពន្ធនិងទំនិញបង់ពន្ធមិនគ្រប់ភាគច្រើនឈ្មួញដឹកតាមរថយន្តយឺឌុបនិងកុងទីន៍រពីទឹកដីថៃចូលមកទឹកដីខ្មែរដោយបង់ពន្ធតែ១៥ភាគរយទៅ២០ ភាគរយតែប៉ុណ្ណេះហើយអ្វីដែលធ្វើអោយរដ្ឋខាតបង់ចំណូលពន្ធនោះគឺការបន្លំប្រភេទទំនិញដែលឈ្មួញខិលខូចឃុបឃិតជាមួយមន្ត្រីពុករលួយហើយបែងចែកផលប្រយោជន៍នៅក្រោមតុ។
ពាក់ព័ន្ធនិងករណីខាងលើ អ្នកយកព័ត៌មានសុំការបំភ្លឺ ពីលោកទុំណូ ពុំបានឡើយ៕