រដ្ឋមន្ត្រីក្រសួងសាធារណការនិងដឹកជញ្ជូនធ្លាប់បានលើកលើកឡើងថា៖ មន្ត្រីនៅស្ថានីយថ្លឹងរថយន្តនៅភូមិពោធិ៍ ឃុំភ្នំកុង ស្រុកអង្គរជ័យ ខេត្តកំពត មិនស្មោះត្រង់រាយការណ៍ភូតកុហក់ក្រសួង។
លោករដ្ឋមន្ត្រីបញ្ជាក់ថា ក្រោយពីក្រសួងសាធារណ ការដឹកជញ្ជូន បានដាក់ជញ្ជីងថ្លឹងបង្កប់ក្រោមដីនៅភូមិពោធិ៍ បានរកឃើញថា មានករណីមិនប្រក្រតីធ្ងន់ធ្ងរ ដោយបានរកឃើញរថយន្តល្មើសដឹកលើសទម្ងន់ចំនួន ច្រើនជាងរបាយការណ៍របស់មន្ត្រីជញ្ជីងទីនោះ បានរកឃើញមួយថ្ងៃៗឡានដឹកជញ្ជូនលើស ចំណុះឆ្លងកាត់ជាង ៥០ឡាន/ថ្ងៃ ប៉ុន្តែធ្វើរបាយ ការណ៍មួយខែមានតែ២០០ឡាន ហេតុដូច្នេះឡានឆ្លងកាត់មានដល់ទៅជាង១៥០០ឡាន។
បែបនេះវាជាកំហុសធ្ងន់ធ្ងរ ដែលក្រសួងមិនអាចទប់ស្កាត់មន្ត្រីខិលខូចបាន ។
មានសេចក្តីរាយការណ៍ថ្មីថា៖នៅស្ថានីយ៍ជញ្ជីងថ្លឹងឡាននៅភូមិពោធិ៍ ឃុំភ្នំកុង ស្រុក អង្គរជ័យ ខេត្ត កំពតថា៖ ត្រូវមន្ត្រីជញ្ជីងទីនោះនៅតែគគ្លើនពុករលួយគប់គឹតគ្នាជាមួយម្ចាស់រថយន្តដឹកជញ្ជូន ប្រលែងឡានឆៅៗយកលុយញាត់ហោប៉ៅដដែលជាដដែលដោយ មិនកោតញញើតវិធានការណ៍ថ្មីរបសលោក ស៊ុន ចាន់ថុល នោះទេ។
គួររម្លឹកថា៖ កន្លងមកលោករដ្ឋមន្ត្រី ស៊ុន ចាន់ថុល បានលើកឡើងថា បើតាមរបាយការណ៍របស់ស្ថានីយនៅភូមិពោធិ៍ ដែលបានផ្ញើមកក្រសួង ក្នុងឆ្នាំ២០២១ មានតែឡានចំនួន២០០គ្រឿងប៉ុណ្ណោះ ដែលបានឆ្លងកាត់ចូលថ្លឹងជញ្ជីងក្នុងមួយខែ ។ ប៉ុន្តែខណៈដែលក្រសួងប្រើប្រាស់ប្រព័ន្ធទំនើប ដោយដាក់ជញ្ជីងបង្កប់ក្រោមដីចាប់បានមានឡានដឹកលើសទម្ងន់ជាង ១០០ គ្រឿងឯណោះក្នុងមួយថ្ងៃៗ។
បើអញ្ចឹងគឹតតាមជើងលេខមន្ត្រីជញ្ជីង អាចលួចគប់គឹតជាមួយម្ចាស់ឡានឬអ្នកដឹកប្រលែងយកលុយមិនតិចជាង១៥០០ឡាននោះទេក្នុងមួយខែៗ។ បើដូចនេះលុយជាតិ រត់ចូលហោប៉ៅប្រធានស្ថានីយ៍ព្រែកឯង មិនតិចជាង៥០០លានរៀលទេ! បើគឹតត្រឹមតែលែងឡានមួយគ្រឿងអាចយកលុយអប្បបរមា៣០មុឺនរៀល។ដោយមិនគឹតអំពីការជំរឹតផាកពិន័យផាកពិន័យក្រៅច្បាប់ ធ្វើតាមមាត់ អាចយកលុយញាត់ហោប៉ៅកំរិតអប្បបរមា១២០០០០០៛/គ្រឿងផង។ ដូច្នេះរដ្ឋត្រូវបាត់បង់លុយយ៉ាងតិច ២០០០លានរៀល/ខែ/មួយស្ថានីយ៍(ជិតកន្លះលានដុល្លារ)។
ប្រភពពីមន្ត្រីបំរើការស្ថាប័នផ្សេងនៅព្រែកឯង បានលើកឡើងថា៖ការប្រព្រឹត្តកំហុសដ៏ធ្ងន់ធ្ងររបស់មន្ត្រីជញ្ជីងនៅភូមិពោធិ៍ មួយរយៈកន្លងមកគេឃើញលោករដ្ឋមន្ត្រីក្រសួងសាធារការ ស៊ុនចាន់ថុល យល់មុខកូនចៅពេក កំហុសធ្ងនបែបនោះទៅហើយ បែរជាលោករដ្ឋបានត្រឹមនិយាយអំពើកំហុស តែមិនបានការដាក់ទោសទណ្ឌតាមច្បាប់ទេ និងបានត្រឹមតែអំពាវអោយយកចិត្តទុកដាក់ថ្លឹងឡានតែប៉ុណ្ណោះទៅវិញ។ ឥរិយាបទយល់ញាតិរបស់លោករដ្ឋមន្ត្រីស៊ុន ចានថុលបែបនោះ ជាគំរូអាក្រក់មួយ ពោលគឺហាក់នៅតែបើកដៃអោយជញ្ជីងមួយចំនួនធំ អាចបន្តរកសុីលើខ្នងរដ្ឋនិងប្រជាជន ក្បៀសលុយជាតិមួយខែៗ ច្រើនសម្បើម ដាក់ចូលហោប៉ៅបុគ្គល គេហៅថាពុករលួយដាច់បង្ហៀរដដែល ។
ប្រភពព័ត៌មានពីមន្ត្រីមូលដ្ឋាននៅភូមិពោធិ៍ ឃុំភ្នំកុង ស្រុកអង្គរជ័យ ខេត្តកំពត ដែលសុំមិនអោយ បញ្ចេញឈ្មោះ បានអោយដឹងថា៖លោក ថោង សត្យា ប្រធានស្ថានីយ៍ជញ្ជីងថ្លឹងឡានភូមិពោធិ៍ កំពុងតែគឃ្លើន ក្នុងការបើកដៃអោយឡានដឹកជញ្ជូនទំនិញធំៗ បើបររញ្ជួយថ្នល់ មើលទៅទុះនងដឹកលើសទម្ងន់អតិបរមា ប្រែតស្រគៀក្បាល មិនបាច់ចូលជញ្ជីងថ្លឹងយ៉ាងរំភើយ។
ប្រភពបន្តថាក្នុងមួយថ្ងៃៗ មានឡានទំនងជាដឹកលើសទម្ងន់ជាច្រើនគ្រឿងមិនបានចូលថ្លឹងឡើយ ពួកគេអាចនឹងរត់ការបើផ្លូវព្រោះតែដឹកលើសខ្លាំងពេកបើចូលថ្លឹងប្រាកដជាត្រូវបង់ផាកពិន័យចូលរដ្ឋធ្ងន់ដូចសែងជ្រូកទាំងអាចម៍។ហេតុដូច្នេះគេគួរតែសុំបើកផ្លូវដោយចរចារមិនបាច់ថ្លឹង បង់ត្រឹមកម្រឹតដែលត្រូវផាកលើស៥តោនឬលើស១០តោនល្អជាងចូលថ្លឹង។ក្រុមប្រភេទនេះគេឃើញក្នុងមួយថ្ងៃៗ បើមិនចូលជញ្ជីង នៅភូមិពោធិ៍ ឃុំកុង ស្រុកអង្គរជ័យម្ងៃៗរាប់សឹបគ្រឿង។
ប្រភពដដែលបន្តថា ក្រៅពីនោះគេឃើញមានឡានទំនងដឹកលើសតោនតិចតួចបានចូលថ្លឹងជាហូរហែរដែរ ជាការកំដររោង។បុន្តែអោយតែឡានដឹកទំនិញក៏ត្រូវបង់ជូនលោកប្រធានជញ្ជីងដែរ ក្នុងឡានមួយគ្រឿងយ៉ាងហោចក៏បង់ក្នុងឡានមួយគ្រឿងៗចំនួន៣០មុឺនរៀលដែរ ក្រុមនេះក្នុងមួយថ្ងៃៗក៏មានការឆ្លងកាត់ជញ្ជីងភូមិពោធិ៍រាប់សឹបគ្រឿងដែរ។ ដោយឡែកអោយតែជាប្រភេទឡានដឹកទំនិញ ដែលមិនបានដឹកអីសោះឬដឹកសោះតែអត់ដឹកទំនិញ ក៏គេឃើញព្រូឡានអញ្ជើញទៅបង់ថ្លៃបាយជូនលោក ថោង សត្យា ប្រធានជញ្ជីងភូមិពោធិ៍ដែរ បើហ៊ានមិនសែនសោះពេលមានឥវ៉ាន់ដឹកពិបាកក្នុងការសម្រួល នឹងលោកប្រធានមិនខាន។
ការដាក់ជញ្ជីងបង្កប់ក្រោមដីកន្លងមករបស់ក្រសួងត្រូវគេមើលឃើញថា មិនអាចមានវ្រសិទ្ធិភាព តាមទាន់ជាន់កែងមន្ត្រីជញ្ជីងខិលខូចពុករលួយដល់ឆ្អឹងបាន១០០%ទេ បើលោករដ្ឋមន្ត្រីស៊ុន ចាន់ថុល នៅតែមិនបញ្ចេញកណ្តាប់ដៃស្ពាន់ ជាន់កដកស្លាបជនពុករលួយ បានត្រឹមតែអំពាវនាវ តួយ៉ាងដូចជាជញ្ជីងនៅភូមិពោធិ៍ ឃុំកុង ស្រុកអង្គរជ័យ កំពុងគគ្លើនពុករលួយ។ ម៉្យាងទៀតអង្គភាពប្រឆាំងអំពើពុក រលួយក៏ហាក់មើលស្រាល ងាប់ស្តូកមិនខ្ចីខ្វល់៕
