ខេត្តមណ្ឌលគិរី៖ នាព្រឹកថ្ងៃអង្គារ ៩កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៧ ខែសីហា ឆ្នាំ២០២១នេះ ឯកឧត្តម សាយ ម៉េងគីម ប្រធានគណៈកម្មាធិការបណ្តុះបណ្តាលខេត្តមណ្ឌលគិរី បានអញ្ជេីញចូលរួមជាអធិបតីភាព ក្នុងកិច្ចប្រជុំបូកសរុបលទ្ធផលការងារ សម្រេចបាន ក្នុងឆមាសទី១ និងទិសដៅបន្ត បញ្ហាប្រឈម និងដំណោះស្រាយនានា របស់គណៈកម្មាធិការបណ្តុះបណ្តាលខេត្ត និងការតភ្ជាប់ទំនាក់ទំនងជាមួយមូលនិធិអភិវឌ្ឍន៍ជំនាញ(SDF) ដើម្បីពង្រីកពង្រឹងសក្តានុពលរបស់សហគ្រាសធុនតូច និងមធ្យម ក្នុងវិស័យTVETសម្រាប់យុវជន ។
កិច្ចប្រជុំនេះប្រព្រឹត្តទៅ ដោយមានការអញ្ជើញចូលរួមពីសំណាក់ លោក លោកស្រី ប្រធាន អនុប្រធានមន្ទីរ និងតំណាងសភាពាណិជ្ជកម្មខេត្ត ដែលជាសមាជិកគណៈកម្មាធិការបណ្តុះបណ្តាលខេត្ត ព្រមទាំងដៃគូរស្វីសខុនថាក់ និងតំណាងមូលនិធិអភិវឌ្ឍន៍ជំនាញ(SDF) និងមន្ត្រីមជ្ឈមណ្ឌលបណ្តុះបណ្តាលវិជ្ជាជីវៈខេត្តផងដែរ តាមប្រពន្ធ័បញ្ជូលរូបភាព និងសំឡេងZoom Meeting ៕
