មណ្ឌលគិរីះ នាព្រឹកថ្ងៃសៅរ៍ ទី០៨ ខែឧសភា ឆ្នាំ២០២១ ឯកឧត្តម សាយ ម៉េងគីម សមាជិកយុវជនគណបក្សថ្នាក់កណ្តាល និងជាប្រធានក្រុមការងារយុវជនគណបក្សប្រជាជនកម្ពុជាខេត្តមណ្ឌលគិរី ដោយមានការអញ្ជើញចូលរួមពីសំណាក់ឯកឧត្តម ណយ ស្រូន សមាជិកព្រឹទ្ធសភាប្រចាំភូមិភាគទី៨ និងជាសមាជិកយុវជនគណបក្សថ្នាក់កណ្តាល លោកស្រី វិន ស៊ីធួ អនុប្រធានក្រុមការងារយុវជនគណបក្សខេត្ត និងជាប្រធានក្រុមការងារចុះជួយស្រុកអូររាំង រួមទាំងសមាជិក សមាជិកាក្រុមការងារយុវជនគណបក្សស្រុក ឃុំ និងសកម្មជនយុវជនគណបក្សភូមិនិងសហការី បាននាំយកទេយ្យទាន និងបច្ច័យមួយចំនួន ប្រគេនព្រះសង្ឃគង់នៅវត្តចំនួន ០២ ទី១ វត្តគិរីព្រឹក្សារាម (ហៅវត្តអូររាំង) និងទី២ វត្តធម្មគិរីជ្រៃមាស (ហៅវត្តដាក់ដាំ) ស្ថិតក្នុងស្រុកអូររាំង ខេត្តមណ្ឌលគិរី។
ឯកឧត្តម សាយ ម៉េងគីម បានឲ្យដឹងថា ដោយមានការចង្អុលបង្ហាញពីសំណាក់ឯកឧត្តម ស្វាយ សំអ៊ាង ប្រធានគណកម្មាធិការគណបក្សប្រជាជនកម្ពុជាខេត្ត ក្នុងការយកចិត្តទុកដាក់គិតគូរដោះស្រាយដល់ព្រះសង្ឃដែលកំពុងខ្វះខាតចង្ហាន់នៅតាមទីវត្តអារាមដែលនៅឆ្ងាយៗ ដោយសារ នៅក្នុងអំឡុងពេលចូលឆ្នាំប្រពៃណីជាតិខ្មែរ នៅគ្រប់វត្តអាម នៅទូទាំងប្រទេស ក៏ដូចជា ខេត្តមណ្ឌលគិរី រាជរដ្ឋាភិបាលក៏បាន ហាមឃាត់ការជួបជុំ ការប្រារព្ធពិធីផ្សេងៗ រួមទាំងការរឹតត្បិត ពិធីបុណ្យចូលឆ្នាំនេះផងដែរ។ លោក បន្ថែមថា ទេយ្យទាន និងបច្ច័យទាំងនេះ គឺជាការចូលរួមចំណែកពីសំណាក់ឯកឧត្តម ណយ ស្រូន រួមទាំងលោក លោកស្រី សមាជិក សមាជិកាក្រុមការងារយុវជនកម្ពុជាខេត្ត/ក្រុង/ស្រុក ដើម្បីដោះស្រាយការខ្វះខាតដល់ព្រះសង្ឃ ក្នុងពេលរាតត្បាតនៃជំងឺកូវីដ-១៩។
ឯកឧត្តម សាយ ម៉េងគីម បានទូលប្រគេនដល់ព្រះសង្ឃគ្រប់ព្រះអង្គ និងប្រជាពលរដ្ឋទាំងអស់ ត្រូវចូលរួមអនុវត្តវិធានការណ៍របស់អាជ្ញាធរមូលដ្ឋាន ក្រសួងសុខាភិបាល និងបទបញ្ជារបស់រាជរដ្ឋាភិបាលកម្ពុជា ជាពិសេស វិធានការ ៣កុំ ៣ការពារ របស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩។
ក្នុងពិធីប្រគេន នូវទេយ្យទាន បច្ច័យ ប្រគេនព្រះសង្ឃគ្រប់ព្រះអង្គទាំង ០២វត្ត បានរៀបចំពិធីប្រោះព្រំឧទ្ទិសបួងសួង ដល់ថ្នាក់ដឹកនាំខេត្ត មន្ត្រីរាជការ និងប្រជាពលរដ្ឋទូទាំងខេត្តមណ្ឌលគិរី ឲ្យចៀសផុតនូវជំងឺដ៏កាចសាហាវមួយនេះ។
សូមបញ្ជាក់ថា ទេយ្យទាន និងបច្ច័យ ប្រគេនវត្តចំនួន ០២ រួមមានះ អង្ករ ២០០គីឡូក្រាម ទឹកសុទ្ឋវិតាល់ ២០កេស មីកំប៉ុង ១០យួរ ភេសជ្ជ: ៤កេស ម៉ាស់ ៥០០ម៉ាស់ ត្រីខ ៦យួរ ទឹកត្រី ៤យួរ មីខ្លាឃ្មុំ ១០កេស ថវិកាចំនួន ១.០៥០.០០០រៀល រីឯសម្ភារ និងថវិការរបស់ឯកឧត្តម ណយ ស្រូន រួមមានះ មីខ្លាឃ្មុំ ១០កេស ទឹកសុទ្ឋវីតាល់ ១០កេស និងបន្ថែមថវិកា ៤០ម៉ឺនរៀល ប្រគេនព្រះសង្ឃគងនៅវត្តចំនួន ០២ក្នុងស្រុកអូររាំង។
បន្ថែមលើសនេះ ដោយមើលឃើញពីការខ្វះខាតច្រើននៅក្នុងវិហារវត្តដាក់ដាំនេះ ឯកឧត្តម ណយ ស្រូន និងលោកស្រី វិន ស៊ីធួន បានឧបត្ថម្ភទ្វារខាងមុខម្នាក់១ ដោយឡែក លោក សាយ ម៉េងគីម បានឧបត្ថម្ភថ្នាំស្ពេត្រូលលាប ជញ្ចាំងចំនួន ១០ធុងធំផងដែរ៕
