ខេត្តរតនគិរី ៖ ក្រុមអាជីវករលក់ដូរមានជម្លោះជាមួយក្រុមហ៊ុន គឹម ជ្រា របស់លោកជា គង់(ប្រមូលសំរាម) ជាមួយអាជ្ញាធរក្រុងមួយប្រាវផ្អើលពេញផ្សារ។ ហេតុការណ៍នេះបានកើតឡើងកាលពីថ្ងៃទី២៩ ខែមីនា ឆ្នាំ២០១៥ វេលាម៉ោង១១និង៣០នាទីព្រឹក នៅក្នុងទីប្រជុំជនផ្សារបានលុង ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ។
នៅក្នុងកន្លែងមានជម្លោះនោះ ត្រូវបានក្រុមអាជីវករប្រមាណជាង ៤០ នាក់ បានអោយអ្នកកាសែតដឹងថា នៅមុនពេលកើតហេតុ មានជម្លោះ ដោយពួកគាត់តូបលក់ដូរគ្រប់ប្រភេទបានឃើញខាងអាជ្ញាធរក្រុងបានលុង សហការជាមួយក្រុមហ៊ុនគឹម ជ្រា ប្រមូលសំរាមរបស់ លោកជា គង់ បានដឹកសម្ភារៈសំណង់មានដូចជាម៉ាស៊ីនភ្លើង និងដែកយកមកកសាងតូបថ្មីបន្ថែមទៀត ។ ហើយប្រាប់អាជីវករផ្អាកមួយរយៈសិន រង់ចាំធ្វើតូបថ្មី ចាំចូលលក់បន្តទៀត ប៉ុន្តែអាជីវករមិនព្រមចេញទេដោយរងចាំធ្វើកិច្ចសន្យាត្រឹមត្រូវសិន ។ ដោយលោក អ៊ុក សំអុល អភិបាលក្រុងបានលុងបានមានប្រសាសន៍ថា ក្នុងការដឹកសម្ភារៈសំណង់មកសាងសង់តូបថ្មីនេះគឺកសាងអោយបងប្អូន ជនជាតិដើមភាគតិចលក់ដូរជុំវិញផ្សារ អាជីវករលក់ចាស់ៗត្រូវផ្អាកមួយរយៈសិន ហើយខាងអាជ្ញាធរក្រុងបានសហការជាមួយអាជ្ញាធរត្រឹមត្រូវ ។
ដោយឡែក លោក ជាម សុផាត បានអោយដឹងថា ខាងក្រុមហ៊ុនហេងដារ៉ា វិយោគផ្សារមានច្បាប់ត្រឹមត្រូវ មានសុពលភាពវិនិយោគផ្សារចំនួន ៣៥ ឆ្នាំ មកដល់ពេលនេះទើបបានតែចំនួន ៨ ឆ្នាំទេ ហើយជាង ២ ខែនេះ ក្នុងឆ្នាំ២០១៥ខាងក្រុមហ៊ុន ហេង ដារ៉ា អត់បានដកភាស៊ីតាមតូបអាជីវកចំនួន៥០០តូប ជុំវិញផ្សារធ្វើអោយខាតថវិការបង់ជួនរដ្ឋក្នុង១ខែៗរាប់លានរៀល ។
ដោយឡែក ក្រុមអាជីវករលក់ដូរគ្រប់ប្រភេទសុំណូមដល់សម្តេចហ៊ុន សែន នាយករដ្ឋមន្ត្រីព្រះរាជាណាចក្រកម្ពុជាសុំមេត្តាជួយអន្តរគមន៍អោយ រហ័ស ព្រោះពួកជួបប្រទះនៅការលំបាកណាស់ ពេលពួកគាត់កំពុងលក់ដូរមានអាជ្ញាធរក្រុងនឹងក្រុមហ៊ុនគឹម ជ្រា ប្រមូលសំរាម ដេញចេញជាញឹកញាប់និងនៅពេលយប់មកលួចរុះរើតូបលក់ដូររបស់ពួកគាត់ ចេញ ។
ពួកអាជីវករលក់ដូរបានត្អូញត្អែលថា ក្នុងផ្សារតែមួយមានអ្នកគ្រប់គ្រងផ្សាររហូតដល់៣អង្គភាព ទី១សាលាក្រុងបានលុង ទី២ក្រុមហ៊ុនគឹម ជ្រា ប្រមូលសំរាម អ្នកមានអំណាច អ្នកមានលុយបើមិនរកវិធីដោះស្រាយគ្នាតាមច្បាប់ទេ ធ្វើអោយអាជីវករពិបាករកស៊ីណាស់ ។
ពួកអាជីវករថាអ្នករករឿងអាជីវករគឺអាជ្ញាធរក្រុង និងក្រុមហ៊ុនគឹម ជ្រា តែងតែហាមអាជីវករជាញឹកញាប់ឲ្យឈប់លក់ដូរ ហើយសព្វថ្ងៃនេះ ពួកគាត់បង់ភាស៊ីជួនខាងសាលាក្រុងក្នុងតូប ១០០ រៀលខាងអនាម័យ សំរាម១តូប៥០០រៀល ក្នុងមួយខែបង់ ៤ ម៉ឺនរៀល តែពួកគាត់អត់ទានបានបង់លុយជួនទេ។ ដោយឡែកខាងក្រុមហ៊ុនហេងដារ៉ា របស់លោកសា លាង អត់បានដើរដកភាស៊ីទេ ៕
