ខេតឧត្ដរមានជ័យ៖ លោកអនុសេនីយ៍ឯក យ៉ុង គីមម៉េង មន្រ្ដីអាវុធហត្ថប្រចាំទិសស្រុកអន្លង់វែង សុំធ្វើការបដិសេធ និងច្រានចោលទាំងស្រុង ចំពោះការបង្ហោះព័ត៍មាន បង្កាច់បង្ខូចដូចការ ចោទប្រកាន់ មកលើរូបលោក នេះគឺជាព័ត៍មានបំភ្លៃការពិត បង្កាច់បង្ខូច ធ្វើអោយប៉ះ ពល់ដល់កិត្តិយសនិងសេចក្ដីថ្លៃថ្នូរមន្រ្ដីរាជការ នៅថ្ងៃទី២៧ ខែវិច្ឆិកា ឆ្នាំ២០២០ នេះ។
លោកយ៉ុង គីមម៉េង បានបញ្ជាក់ថា រូបភាពខាងលើដែលបានចុះផ្សាយតាមព័ត៍មាន ជារូបលោកពិតប្រាកដមែន ដែលជារូបភាពយូរមកហើយ ដែលលោកបានទិញឈើពីពលរដ្ឋមានបីប្រភេទគឺឈើ ធ្នង់ ឈើ ស:ក្រម និងឈើ តាសេក យកមកបិតពិដានផ្ទះ ស្ថិតនៅភូមិ ត្រពាំងរុន ស្រុកជីក្រែង ខេត្តសៀមរាប ដើម្បីតុបតែងលំអរក្នុងគេហដ្ឋាន រៀបអាពាហ៍ពិពាហ៍ នៅក្នុងពេលឆាប់ៗខាងមុខនេះ។
ហើយលោកមិនដែលកេណ្ឌឲ្យពលរដ្ឋនិងរកស៊ីបទល្មើសឈើ នៅតាមខ្សែបន្ទាត់ព្រំដែនដូចការចោទប្រកាន់នោះឡើយ។ ហេតុនេះសូមមហាជននិងអង្គភាពសារព័ត៍មានទាំងអស់ កុំមានការយល់ច្រឡំ ដូចតាមការបង្ហោះព័ត៍មាន ចោទប្រកាន់គ្មានការពិតបន្តទៀត៕