ខេត្តប៉ៃលិន ៖ ប្រជាពលរដ្ឋប្រកបមុខរបរធ្វើចំការនិងមានផ្ទះមួយចំនួនរស់នៅក្បែរ ជើងភ្នំស្ពង់ ស្ថិត នៅភូមិភ្នំស្ពង់ឃុំសាលាក្រៅ ស្រុកសាលាក្រៅ ខេត្តប៉ៃលិន កំពុងតែមានការព្រួយបារម្ម ពីសុវត្ថិភាពគ្រាដែលក្រុមហ៊ុនមួយឈ្មោះរ៉តខ័ររីបានធ្វើសកម្មភាព ដាក់រំសេវបំផ្ទុះនៅលើកំពូលភ្នំយកថ្មលក់នោះ។អ្វីជា ការព្រួបារម្មពីសុវត្ថិភាពរបស់ប្រជាពលរដ្ឋ បែរជាលោក អភិបាល ស្រុកសាលាក្រៅជាអាធរដែនដីបានប្រាប់ឱ្យដឹថា លោកមិនបាន ដឹងនោះទេពីបញ្ហានេះ។
ប្រជាពលរដ្ឋរស់នៅពឹងអាស្រ័យធ្វើចំការក្បែរជើងភ្នំស្ពង់បាន ប្រាប់ឱ្យដឹងថា ៖ ភាពភ័យខ្លាចរបស់ពួកគាត់កើតឡើងជាយូរឆ្នាំមកហើយ គ្រាដែលមានក្រុមហ៊ុនមួយ មានការវិយោគ រួមគ្នារវាងបុគ្គលមានអំណាចនៅតំបន់នោះ និងក្រុមហ៊ុនថៃ មកធ្វើសកម្មភាព ដាក់បំផ្ទុះ យកថ្ម ភ្នំដើម្បី ធ្វើអាជីវកម្មកិនថ្មលក់ចាប់តាំងពីឆ្នាំ២០០៣មកម្លះ។
ប្រជាពលរដ្ឋបានលើកឡើងទៀតថា ៖ នៅពេលមានការបំផ្ទុះម្តងគឺមានបំណែកដុំថ្ម តូចធំ បានខ្ទាតធ្លាក់ពីលើកំពូលភ្នំ ចុះមកក្រោម ខណៈនោះធ្វើឱ្យប្រជាពលរដ្ឋកំពុងតែ រស់នៅនិងធ្វើចំការដាំដំណាំឃើញដូច្នេះមានការភ័យស្លន់ស្លោ រត់គេចដុំថ្ម រំដោះខ្លួនចេញ ទៅរកកន្លែងសុវត្ថិភាពបញ្ចៀសពីគ្រោះថ្នាក់ទាំងព្រលឹចុងសក់ផងដែរ ។អ្វីជាការព្រួយពីសុវត្ថិភាពនោះដែតមកដល់ពេលនេះមានប្រជាពលរដ្ឋ ចំនួន០២គ្រួសារ បានរុះរើផ្ទះ ចេញពីតំបន់ នោះ រត់មករករស់នៅកន្លែង មាន សុវត្ថិភាពផងនោះទៀត។
បើតាមប្រភពព័ត៌មានពីប្រជាពលរដ្ឋបានប្រាប់ឱ្យដឹងទៀតថា៖ការ បំផ្ទុះយកថ្មភ្នំពីសំណាក់ក្រុមហ៊ុនខាងលើ គេពុំដែលឃើញមានអាជ្ញាធរ មកជួយដោះស្រាយគិតគូពីសុខទុក្ខ របស់ប្រជាពលរដ្ឋនោះឡើយ ទោះបីកន្លងមកប្រជាពលរដ្ឋបានប្រាប់ទៅដល់អាជ្ញាធរដែនដី ឱ្យជួយដោះស្រាយយ៉ាងណាក៏ដោយ។
ជុំវិញពីបញ្ហា នេះ លោកអភិបាលស្រុក សាលាក្រៅ បានប្រាប់ឱ្យដឹងនៅព្រឹកថ្ងៃទី១៨ខែសីហានេះថា៖ជុំវិញនៃការកើត ឡើងធ្វើឱ្យប្រជាពលរដ្ឋមានការភ័យខ្លាច រស់នៅក្បែរ កន្លែងធ្វើអាជីវកម្មយកថ្មរបស់ក្រុមហ៊ុន លោកពុំបានដឹងនោះទេ ដោយសារ ប្រជា ពលរដ្ឋមិនបានប្តឹងរាយការណ៍មកលោក ប្រសិនប្រជាពលរដ្ឋ ប្តឹងរាយការណ៍មកលោក ៗ និងចុះទៅដោះស្រាយជូនប្រជាពលរដ្ឋជាក់ជាពុំខាន ។
លោកអភិបាលស្រុកបានប្រាប់ឱ្យដឹងទៀតថា ៖ ការធ្វើអាជីវកម្មថ្មភ្នំស្ពង់ពីសំណាក់ក្រុមហ៊ុនរ៉តខ័ររី លោកទើបតែមកកាន់មុខតំណែងជាអភិបាលស្រុក ពុំដឹងស៊ីជម្រៅនោះទេ ប៉ុន្តែការធ្វើអាជីវកម្មរបស់ក្រុមហ៊ុនបើតាមលោកដឹងគឺមាន ច្បាប់ទម្លាប់់ត្រឹមត្រូវចេញដោយក្រសួង រ៉ែនិងថាមពល។
គួរបញ្ជាក់ថា ៖ អ្វីជាការព្រួយបារម្មពីសុវត្ថិភាពនៅពេលអ្នយយកព័ត៌មានយើងចុះទៅ សួរនាំនិងសម្ភាសន៍បងប្អូនប្រជាពលរដ្ឋរស់នៅតំបន់នោះគឺប្រជាពលរដ្ឋ ឆ្លើយហាក់បីដូចជា មានការភ័យខ្លាច មិនចង់ចេញមុខធ្វើការអធិប្បាយនោះទេពីព្រោះដោយខ្លាចពីសុវត្ថិភាព។
ពាក់ព័ន្ធនឹងការភ័យខ្លាចរបស់ប្រជាពលរដ្ឋ មិនហ៊ានប្តឹងរាយការណ៍នោះ លោកអភិបាល ស្រុកបានបំភ្លឺឱ្យដឹងដែរថា គ្មានអ្វី ត្រូវបងប្អូនប្រជាពលរដ្ឋមានការភ័យខ្លាចនោះទេ លោកនិង ចេញមុខការពារផលប្រយោជន៍ ប្រជាពលរដ្ឋជានិច្ច ៕
