ខេត្តកណ្តាល: ស្នងការដ្ឋាននគរបាលខេត្តកណ្ដាល នៅរសៀលថ្ងៃចន្ទ ១១កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០នេះ បានបើកកិច្ចប្រជុំត្រួតពិនិត្យពង្រឹងប៉ុស្តិ៍នគរបាលរដ្ឋបាល លើការអនុវត្តសេចក្តីណែនាំលេខ០១៣ ចុះថ្ងៃទី០៦ ខែតុលា ឆ្នាំ២០១៧ របស់អគ្គស្នងការដ្ឋាននគរបាលជាតិ ប្រចាំខែកញ្ញា និងលើកទិសដៅខែតុលាឆ្នាំ២០២០ ក្រោមអធិបតីភាពលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងមានការចូលរួមពីលោក-លោកស្រីស្នងការរង, លោកនាយការិយាល័យជំនាញពាក់ព័ន្ធ, លោកអធិការ-លោកអធិការរងទទួលកិច្ចការប៉ុស្តិ៍ក្រុង/ស្រុកទាំង១១, លោក-លោកស្រីនាយផ្នែកកិច្ចការប៉ុស្តិ៍នគរបាលរដ្ឋបាលក្រុង/ស្រុកទាំង១១ និងលោកនាយប៉ុស្តិ៍នគរបាលរដ្ឋបាលទាំង១២៧ប៉ុស្តិ៍ផងដែរ៕
