តាមប្រភព ពីប្រជាពលរដ្ឋ រស់នៅជាប់របង រោងចក្រខេស៊ីមែន បានប្រាប់ ឱ្យដឹងថា អ្នកបើកល្បែងជល់មាន់ មួយ កន្លែងនេះ ម្ចាស់ឈ្មោះ ហ៊ា តាង ជាអ្នកបើកល្បែងជល់មាន់ និងអាប៉ោង ធ្វើមេកន្ទុយលេខថែមទៀតផង ។
ប្រជាពលរដ្ឋបានបន្តទៀតថា ចាប់តាំងពីបើកល្បែងជល់មាន់ និងអាប៉ោង និងកន្ទុយលេខមកមិនដែលឃើញ អាជ្ញាធរ និងសមត្ថកិច្ចចុះទៅបង្ក្រាបវង់ល្បែងជល់មាន់ម្តងណាឡើយ ។ ប្រជាពលរដ្ឋបានបញ្ជាក់ទៀតថា ឬមួយ អាជ្ញាធរ និងសមត្ថកិច្ចត្រូវថ្នាំសណ្តំម្ចាស់បើកសង្វៀនជល់មាន់ឈ្មោះ ហ៊ាតាង នេះទៅហើយ បានជាមិនធ្វើការ បង្ក្រាប ទោះបីរាជរដ្ឋាភិបាលកម្ពុជា ដាក់បញ្ជាផ្ទៃក្នុងថ្នាក់ស្រុក-ខេត្ត ក៏ដោយនៅកើតល្បែងជល់មាន់អាប៉ោង កន្តុយលេខ កំពុងរីកដុះដាលដូចផ្សិតអញ្ចឹង គួរណាស់ត្រូវតែអាជ្ញាធរស្រុក-ខេត្តត្រូវតែបង្ក្រាប ឬមួយអាជ្ញាធរ និង សមត្ថកិច្ច កំពុងលុងលក់ទៅលើម្ចាស់សង្វៀនជល់មាន់ខាងលើនេះទៅហើយ បានជាមិនបង្ក្រាប ។
អ្នកយកព័ត៌មានយើងបានទំនាក់ទំនងទូរស័ព្ទទៅអធិការស្រុកដងទង់ ទូច ឌុន បានប្រាប់អ្នកយកព័ត៌មាន ចាំឱ្យ កូនចៅរបស់អធិការចុះទៅមើលកន្លែងទីតាំងជល់មាន់ខាងលើ អ្នកយកព័ត៌មានបានចាំមើលជិត ៣ម៉ោង មិនឃើញ ប៉ូលិសចុះទៅកន្លែងជល់មាន់ខាងលើនោះឡើយ ឬមួយប៉ូលិសខ្លាចម្ចាស់បើកសង្វៀនជល់មាន់ខាងលើ នេះ មានអំណាចធំជាងបានមិនបង្ក្រាបទាល់តែសោះ ៕
