បាត់ដំបង ៖ រោងជាង បច្ចេកទេស កណ្តាល របស់មជ្ឈមណ្ឌល សកម្មភាព កំចាត់មីនកម្ពុជា CMAC ដោយមិន មាន ដេកចាំ យាម ត្រូវបានផ្ទុះស្សេខ្សែភ្លើង ឆេះពីបន្ទប់ជាន់លើ បំផ្លាញទ្រព្យសម្បត្តិ ជាច្រើន គិតជាទឹកប្រាក់ សរុបអស់ប្រាក់ជិត ២ លាន ដុល្លា កាលពីវេលាម៉ោង ៦ និង ២០ ព្រឹក ថ្ងៃទី២៣ ខែមករា ឆ្នាំ២០១៤ ឋិតក្នុងភូមិអណ្តូងចេញ សង្កាត់អូរចារ ក្រុងបាត់ដំបង ។
លោក ព្រីង បញ្ញារិទ្ធ មេបញ្ជាការ កងឯកភាព កំចាត់ និងបោសសំអាតមីនទី ២ បាត់ដំបងបានអោយដឹងថា ករណីឆេះ រោង ជាង ដែលជាជំនួយពីប្រទេសជប៉ុន ដោយសារផ្ទុះស្សេខ្សែភ្លើងពីបន្ទប់ជាន់លើ ហើយពុំមានបុគ្គលិក ណាម្នាក់ស្នាក់នៅ ឬ ដេកយាមឡើយ ។ រោងជាង មានទំហំ ២០ ម៉ែត្រ គុណ ៥០ ម៉ែត្រ មានទំហំធំជាងមជ្ឈមណ្ឌល សកម្មភាព កំចាត់មីនកម្ពុជា CMAK ផ្សេងៗនៅក្នុងប្រទេសកម្ពុជា សាងសង់អំពីដែកប្រក់សង្ក័សី និងអប់ស្នោរបំពាក់កុំព្យូរទ័រ ម៉ាស៊ីនរាវមីន និងសម្ភារៈ បច្ចេកទេសទំនើប ជាច្រើនមុខទៀត មានការខូចខាតទាំងស្រុង និងមានរថយន្តម៉ាកអ៊ីស៊ុយៗ ចំនួន១គ្រឿង និងធន់តូចចំនួន ៣ គ្រឿង ។ ថ្លៃសម្ភារៈខូចខាតគិតទឹកប្រាក់ជាង ១ លានដុល្លា ឯថ្លៃរោងជាង គិតទឹកប្រាក់ជិត១លានដុល្លា សរុបទាំងអស់ជិត ២ លានដុល្លា ។
លោក ព្រីង បញ្ញារិទ្ធ មេបញ្ជាការបានបញ្ជាក់ថា ការខូចខាតនេះ គឺគិតតែសម្ភារៈ ដែលឃើញឆេះទាំងស្រុង រីឯសម្ភារៈផ្សេង ទៀត ឆេះដែរ មិនទាន់គិត ព្រោះដឹងប្រើប្រាស់បានឡើងវិញ ឬយ៉ាងណាទេ ហើយក៏បានអាចបូកសរុបទាំងអស់បានភ្លាមៗដែរ។
លោក គឺម ប៊ុនធឿន នាយការិយាល័យបង្ការពន្លត់អគ្គីភ័យ និងសង្គ្រោះបានអោយដឹងថា កំលាំងនគរបាលពន្លត់អគ្គីភ័យ បាន ត្រៀមលក្ខណៈ២៤ម៉ោង សម្រាប់ជួយសង្គ្រោះពេលមានអគ្គីភ័យកើតឡើង ។ ហើយនៅព្រឹកនេះ រថយន្តអគ្គីភ័យបាន ជួយអន្តរាគមន៍ពន្លត់ចំនួន ៣ គ្រឿង ចំណាយទឹក៦ដឹកធ្វើការពន្លត់រោងជាងបច្ចេកទេស អស់រយៈពេល ៣ ម៉ោង កុំអោយឆេះ រាល ដាលដល់ឃ្លាំងផ្សេងៗ និងផ្ទះប្រជាពលរដ្ឋរស់ក្បែរមជ្ឈមណ្ឌលសកម្មភាព កំចាត់មីន កម្ពុជា CMAC នេះ ៕ ភារម្យ
