មណ្ឌលគីរី៖ នារសៀលថ្ងៃអាទិត្យ ១០កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣១ ខែឧសភា ឆ្នាំ២០២០ ឯកឧត្តមឧត្តមសេនីយ៍ទោ ឡោ សុខា ស្នងការនគរបាលខេត្ត និងសហការី បានអញ្ជេីញចុះត្រួតពិនិត្យកងកម្លាំងនគរបាលចរាចរណ៍ និងកម្លាំងអន្តរាគមន៍ខេត្ត ដែលកំពុងអនុវត្តរឹតបន្តឹងច្បាប់ចរាចរណ៍លើដងផ្លូវជាតិ៧៦A នៅចំណុចគោលដៅស្រុកកែវសីមា ស្ថិតក្នុងភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ក្នុងនោះដែរឯកឧត្តមឧត្តមសេនីយ៍ស្នងការ បានធ្វើការណែនាំដល់កងកម្លាំងទាំងអស់ដែលកំពុងអនុវត្តរឹតបន្តឹងច្បាប់ចរាចរណ៍ផ្លូវគោកនៅតាមគោលដៅ ត្រូវយកចិត្តទុកដាក់ និងម៉ឺងម៉ាត់ក្នុងការងារ ជាពិសេសចំពោះអ្នកប្រេីប្រាស់ផ្លូវដែលល្មើសនឹងច្បាប់ចរាចរណ៍ ត្រូវធ្វើការផាកពិន័យអន្តរការណ៍តាមច្បាប់កំណត់ និងត្រូវមានចិត្តអត់ធ្មត់ មានក្រមសីលធម៌ល្អចំពោះប្រជាពលរដ្ឋ។ មិនឲ្យធ្វើការត្រួតពិនិត្យចំពោះរថយន្តដែលកំពុងបើកបរមិនបានល្មើសនឹងច្បាប់ទាំងអស់ ដោយអនុវត្តទៅតាមគោលការណ៍ និងសេចក្តីណែនាំរបស់ ឯកឧត្តម នាយឧត្តមសេនីយ៍ សន្តបណ្ឌិត អគ្គស្នងការនគរបាលជាតិ ៕
