ខេត្តតាកែវ៖ ថ្លែងក្នុងអង្គប្រជុំនៅសាលាស្រុកទ្រាំង កាលពីពេលថ្មីៗនេះ ឯកឧត្តម យស ណាស៊ី អភិបាលរងនៃគណៈអភិបាលខេត្តតាកែវ បានឲ្យដឹងថា ផ្សារព្រៃសណ្តែក ដែលស្ថិតនៅក្នុងឃុំព្រៃស្លឹក ស្រុ កទ្រាំង ខេត្តតាកែវ បច្ចុប្បន្នមានសភាពទ្រុឌទ្រោមរួមតូចចង្អៀត ក្នុង បរិវេណផ្សារពោរពេញដោយជង្ហុក ភួកជ្រាំនៅពេលមេឃភ្លៀងម្តងៗ ដោយសារ ខ្វះប្រព័ន្ធលូ គ្មានកន្លែងស្តុក ផ្លូវពិបា កដើរចេញចូល និងចាក់សំរាមខ្វះអនាម័យធ្វើឲ្យប៉ះពាល់បរិស្ថានយ៉ាងខ្លាំង ជាពិសេសបង្កការលំបាកដល់ប្រជាពលរដ្ឋរស់នៅជុំវិញផ្សារក៏ដូចជាអតិថិជន និងអាជីវករលក់ដូរក្នុងផ្សារផងដែរ។
ឯកឧត្តម យស ណាស៊ី អភិបាលរងខេត្តតាកែវបានបញ្ជាក់ថា ដើម្បីចូលរួមចំណែកកែលម្អរផ្សារព្រៃសណ្តែក និងក្នុងគោលបំណងចូល រួមចំណែកកាត់បន្ថយភាពក្រីក្ររបស់ប្រជាពលរដ្ឋនៅក្នុងមូលដ្ឋានផងនោះ អាជ្ញាធរបានខិតខំស្វែងរកដៃគូអភិវឌ្ឍន៍ពីវិស័យឯកជន ហើយក៏បាន ឯកភាពសម្រេចជាគោលការណ៍ឲ្យក្រុមហ៊ុន លោក ខេង យ៉ារី ធ្វើការវិនិយោគដោយគ្រោងចំណាយទុនមុនលើចំនួនទឹក ប្រាក់១.២៦០.០០០.០០០រៀលនិងរំលស់ទុនមកវិញតាមរយៈការធ្វើអាជីវកម្មភាស៊ីតាមកិច្ចព្រមព្រៀងរយៈពេល២៥ឆ្នាំគិតចាប់ពីខែមករាឆ្នាំ២០១៨តទៅ ហើយបង់ចូលថវិកាខេត្តចំនួន១.០០០.០០០ រៀលក្នុង១ឆ្នាំនិងផុតកំណត់ប្រគល់ជូនរដ្ឋគ្រប់គ្រងវិញ។
ស្របពេលបច្ចុប្បន្ននេះរាជរដ្ឋាភិបា លកំពុងជម្រុញឲ្យមានការអភិវឌ្ឍរីកចម្រើនលើគ្រប់វិស័យ ដោយសារមានកំណើនសេដ្ឋកិច្ចកើន ឡើងជាលំដាប់ក្រោមការដឹកនាំប្រកបដោយគតិបណ្ឌិតដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរា ជាណាចក្រកម្ពុជា និងការចូលរួមចំណែកដ៏ធំធេងរបស់អ្នកវិនិយោគិននានាព្រមទាំងក្រុមហ៊ុនក្នុងស្រុកជាច្រើនទៀត ក្នុងនោះក្រុមហ៊ុន ខេង យ៉ារី ឌីវេឡុបមេន អេន អុីនវេសមេន ឯ.ក (ខេ វ៉ាយឌី អ៊ី) Kheng Yary Development and Investment (K.YD.E Co.LTD) ក៏បានបោះទុនវិនិយោគយ៉ាងច្រើនសន្ធឹកសន្ធាប់សម្រាប់ធ្វើការអភិវឌ្ឍលើវិស័យសំណង់ទីផ្សារមានចំនួនទឹកប្រាក់រាប់លាន ដុល្លារ។
ជាមួយនឹងការចូលរួមចំណែកអភិវឌ្ឍនេះ ក្រុមក្រុមហ៊ុនខេង យ៉ារី ឌីវេឡុបមេន អេន អុីនវេសមេន ឯ.ក (ខេ វ៉ាយឌី អ៊ី) បានពង្រីកសាខាគ ម្រោងសាងសង់ផ្សារបន្ថែមទៀតគឺជាទីតាំងដ៏មានសក្តានុពលភាពកាន់តែល្អប្រសើរបំផុតជាមួយគម្រោងអភិវឌ្ឍន៍របស់រាជរដ្ឋាភិបាល ក្នុងការពង្រីកទីផ្សារឲ្យកាន់តែធំធេងទូលំទូលាយរីកចម្រើនជាលំដាប់ ស្របពេលដែលផ្លូវជាតិលេខ២នឹងកំពុងត្រូវបានពង្រីកជាផ្លូវ ហាយវ៉េ មានន័យ ថាបួនគន្លងទៅបួនគន្លងមកមានសួនច្បារចំកណ្តាលបង្កលក្ខណៈងាយស្រួលធ្វើដំណើរទៅមកដោយសុវត្ថិភាព ហើយគម្រោងការកែលម្អរផ្សារព្រៃសណ្តែករបស់ក្រុមហ៊ុន ខេង យ៉ារី វិនិ យោគនេះក៏កំពុងមានការចាប់អារម្មណ៍យ៉ាងខ្លាំងពីសំណាក់ អតិថិជនព្រោះជាតំបន់សេដ្ឋកិច្ចពិសេសនៅពេលអនាគត ស្ថិតនៅភូមិព្រៃសណ្តែក ឃុំព្រៃស្លឹក ស្រុកទ្រាំង ខេត្តតាកែវ ។
លោក ខេង យ៉ារី ប្រធានក្រុមហ៊ុន ខេង យ៉ារី ឌីវេឡុបមេន អេន អ៊ីនវេសមេន ឯ.ក (ខេ វ៉ាយ ឌី អ៊ី) បានឲ្យដឹងថាជំនួញទីផ្សារដែលមានតំលៃរាប់សែនដុល្លារនេះជាជំនួញដ៏ធំបំផុតក្នុងជីវិតរបស់លោកដែលធ្វើឲ្យលោកក្លាយជាថៅកែលើវិស័យសំណង់ទីផ្សារ ដោយមានប្រាក់លាន នៅក្នុងដៃសម្រាប់ធ្វើការអភិវឌ្ឍវិស័យអចលនវត្ថុដែលប្រជាពលរដ្ឋមានជីវភាពធូរធារនិងមធ្យមក៏អាចមានលទ្ធភាពទិញតូបឬក៏អាចបង់រំលស់បាន ជាពិសេសក្រុមហ៊ុនបានផ្តល់អាទិភាពចំពោះអាជីវករជានិច្ចតាមកិច្ចសន្យាសាងសង់ដែលក្រុមហ៊ុនបានរក្សាចំនួនតូបចាស់ឲ្យនៅដដែលទាំងទំហំទាំងទីតាំងលក់និងផ្លូវចេញចូលនៅក្នុងផ្សារហើយថែមទាំងរៀបចំបង្គន់អនាម័យបន្ទប់ទឹកបានស្អាត បណ្តាញអគ្គីសនី បំពង់ពន្លត់អគ្គីសភ័យ កន្លែងចាក់សម្រាម កន្លែងផ្ញើរកង់ម៉ូតូនិងចំណតរថយន្តផងដែរ។
សូមបញ្ជាក់ថាផ្សារព្រៃសណ្តែកគឺជាស្តង់ដាផ្សារអភិវឌ្ឍន៍ឈានមុខគេរបស់ក្រុមហ៊ុនខេង យ៉ារី ឌីវេឡុបមេន អេន អ៊ីនវេសមេន ឯ.ក (ខេ វ៉ាយ ឌី អ៊ី) ដែលនៅក្នុងគម្រោងផ្ទៃដីទំហំ៤.២៤៨ម៉ែ ត្រក្រឡា ដោយបានរៀបចំតូបលក់ចំនួនជាង៣០០តូបឡើងទៅនៅក្នុងការប៉ាន់ស្មានចំណាយទុនវិនិយោគសរុបប្រមាណជាង១.២៩៧.៣១១.២០០ រៀល ខណៈផ្សារព្រៃសណ្តែកកំពុងសាងសង់ជិតរួចរាល់សម្រេចបាន៩០%នឹងអាចពង្រីកបន្ថែមទំហំរហូត៥០០០ម៉ែត្រក្រឡាដែលគណៈកម្មការបានសិក្សាពីផលប៉ះពាល់បរិស្ថាននឹងធ្វើការសម្រេចដោះស្រាយទទួលយករួចហើយ។
លោកប្រធាន ខេង យ៉ារី បានបញ្ជាក់ថា ក្រោយពេលទទួលបានសេចក្តីប្រកាសនិងច្បាប់អនុញ្ញាតរួចមកក្រុមហ៊ុនខេង យ៉ារី ក៏បានអនុវត្តន៍កសាងសំណង់ចាក់ដីធ្វីផ្សារ ឈូសឆាយកៀរលុបជង្ហុក កាយដាក់ប្រព័ន្ធលូលើផ្ទៃដីអភិវឌ្ឍន៍ទីផ្សារដែលមានទីតាំងស្ថិតនៅភូមិព្រៃសណ្តែក ឃុំព្រៃស្លឹក ស្រុកទ្រាំង ខេត្តតាកែវ ឲ្យមានបរិស្ថានសម្រស់ស្រស់ស្អាតគួរជាទីពេញចិត្តដែលសង្ឃឹមថានឹងទទួលបានការគាំទ្រច្រើនពីសំណាក់បងប្អូន អតិថិជន អាជីវករ ពីព្រោះតាំងពីដាក់លក់តូបក្នុងផ្សារព្រៃសណ្តែកថ្មីនេះមកឃើញថាសន្ទុះនៃការគាំទ្រមានចំនួនអតិថិជនមកទិញជាច្រើននាក់ស្ទើរតែអស់តូបទៅហើយ ដែលតូបនិមួយៗខាងក្រុមហ៊ុនបានរៀបចំដាក់ក្នុងតារាងកំណត់នេះ គឺមានតម្លៃសមរម្យដែលបងប្អូនអាចទទួលយកបានទៅតាមទំហំតូបនឹងបានកក់ប្រាក់ជាមុន ក្នុងនោះរួមមានតូបទំហំ ៣ម×៣ម មួយតូបតម្លៃ២.៧០០ដុល្លារមានចំនួន២០តូប,តូបទំហំ២,៥០ម×២ម មួយតូបតម្លៃ១.៦០០ដុល្លារមានចំនួន១៦៤តូប,តូបទំហំ២,២៥ម×២ម មួយតូបតម្លៃ១.២០០ដុល្លារមានចំនួន៦៦តូប,តូបទំហំ១,៥០ម×១,៥០ម មួយតូបតម្លៃ៥០០ដុល្លារមានចំនួន៦០តូប។
សូមជម្រាបថាទីតាំងអភិវឌ្ឍន៍ផ្សារព្រៃសណ្តែកនេះ គឺកាន់តែមានវិសាលភាពល្អបំផុតរបស់បងប្អូនអាជីវករដ៏ស័ក្តិសមឧត្តមភាពនៃការប្រកបមុខរបរលក់ដូរ អាជីវកម្មប្រកបដោយផាសុខភាព មោទនភាព សេដ្ឋកិច្ច ពាណិជ្ជកម្ម ទីប្រជុំជន ទីផ្សារងាយស្រួលបម្រើសេវាកម្មជូនដល់អតិថិជននានាថែមទៀតផង ដូចនេះសូមរួសរាន់ប្រញាប់ឡើង ឱកាសមាស តូបមាសនឹងក្លាយជាកម្មសិទ្ធស្របច្បាប់របស់លោក អ្នកជាក់ជាមិនខានឡើយ។សូមទំនាក់ទំនងតាមលេខទូរស័ព្ទ: 068927666,078976766,081677727 សូមអរគុណ៕
