ខេត្តបន្ទាយមានជ័យ ៖ ក្រោយពីមានការចុះផ្សាយពាក់ព័ន្ធករណីថា លោក អ៊ុយ ឆាយ កុំពុងនឹងបានសាងសង់សំណង់រំលោភយកដីផ្លូវនឹងហើយត្រូវបានប្រជាពលរដ្ឋនាំគ្នារិះគន់យ៉ាងចាស់ដៃថា រូបលោកមានការឃុបឃិតគ្នាជាប្រព័ន្ធជាមួយអាជ្ញាធរមូលដ្ឋាន តែត្រូវបានលោក អ៊ុយ ឆាយ ធ្វើការបកស្រាយឡើងវិញពាក់ព័ន្ធករណីចោទប្រកាន់ខាងលើនេះ ។
នៅរសៀលថ្ងៃទី១ខែតុលានេះ លោក អ៊ុយ ឆាយ បានជួបអ្នកយកព័ត៌មានយើងតាមទូរស័ព្ទថា ដើមឡើយ រូបលោកបានទិញពីស្ត្រីអង្ការគ្រួសារមេម៉ាយ និងបានកាត់ឈ្មោះយ៉ាងត្រឹមត្រូវ ពីអាជ្ញាធរផងដែរ ហើយ រូបលោកបានបានសាងសង់អគារទៅតាមបែបបទរបស់អាជ្ញាធរដែនដីនគរូបនីយកម្មសំណង់ និងសុរិយោដីតាមបែបប្លង់ស្ថាបត្យកម្ម ។
លោក អ៊ុយ ឆាយ បានបន្តរទៀតថា ចំណែកសារព័ត៌មានបានផ្សាយថា រូបលោកសាងសង់សំណង់ និងរំលោភយកដីផ្លូវនោះ ក៏មិនពិតដែរ គឺរូបលោកសាងសង់ទៅតាមទំហំដីដែលរូបគាត់បានទិញ នឹងអាជ្ញាធរធ្វើខិតបញ្ជាក់អោយតែប៉ុណ្ណោះ ។ ហើយសំណង់ថ្មីមួយទៀត ដែលជាប់នឹងទីតាំងរបស់លោកដែលទើបនឹងសាងសង់នោះ គឺជាសំណង់មិត្តភ័ក្ក្ររបស់លោកទេ ហើយក្នុងនាមជាមិត្តភ័ក្ត្រនឹងនៅជិតគ្នាទៀត ហើយទើបអោយរូបលោកជួយមើលតែម្តងទៅ ។
លោកឆាយបានបន្ថែមសំណង់មិត្តភ័ក្ត្ររបស់លោកក៏មានច្បាប់សាងសង់រួចរាល់ផងដែរ គឺសាងសង់បែបស្ថាបត្យកម្មសំណង់អាគារស្នាក់នៅរួមធ្វើអំពីអិដ្ឋបេតុង ដែលមានជាន់ផ្ទាល់ដីចាប់ពីជាន់ទី១ រហូតជាន់ទី៨ នឹងមានការប្រក់ដំបូលទែរ៉ាស់ផងដែរ ហើយសំណង់នេះ មានទីតាំងស្ថិតនៅក្នុងភូមិក្បាលស្ពាន១សង្កាត់ប៉ោយប៉ែក្រុងប៉ោយប៉ែត ខេត្តបន្ទាយមានជ័យ ដែលមានវិញ្ញាបនបត្រសំគាល់ម្ចាស់អចលនវត្ថុលេខ០១១០០២០១-១៩៩៨ ចុះនៅថ្ងៃទី១១ ខែមេសា ឆ្នាំ២០១៨ ដែលមានម្ចាស់សំណង់ឈ្មោះ នាងស៊ិនពិស្តា ។
ចំណែកខាងសាលាសង្កាត់បានអោយអ្នកយកព័ត៌មានដឹងនៅរសៀលថ្ងៃទី០១ផងដែរថា ខាងសង្កាត់ ធ្លាប់បានចុះទៅពិនិត្យលើសំណង់ និងឯកសារពាក់ព័ន្ធលោក អ៊ុយ ឆាយ ផងដែរ ឃើញថា សំណង់របស់លោកពិតជាមានឯកសារត្រឹមត្រូវពិតប្រាកដមែន ។រឺឯខាងសាលាក្រុងប៉ោយប៉ែតវិញ បានអោយដឹងនៅព្រឹកថ្ងៃទី២ តុលាថា ខាងសាលាក្រុងក៏ធ្លាប់បានធ្វើការត្រួតពិនិត្យលើសំណង់ និងឯកសាររបស់លោក អ៊ុយ ឆាយ ផងដែរ ឃើញថា សំណង់សាងសង់របស់លោកពិតជាមានខណៈត្រឹមត្រូវពិតប្រាកដមែន ៕
