នៅព្រឹកថ្ងៃទី៣០ ខែកញ្ញា ឆ្នាំ២០១៨ គណ:បញ្ជាការឯកភាពខេត្តមណ្ឌលគិរីបានធ្វើប្រតិបត្តិការត្រួតពិនិត្យនិងទប់ស្កាត់បទល្មើសព្រៃឈើក៏ដូចជាការកាប់ទន្ទ្រានដីព្រៃរបស់រដ្ឋយកមកធ្វើជាកម្មសិទ្ធិឯកជនដោយខុសច្បាប់។
តាមសេចក្ដីរាយការណ៍បឋមពីភ្នាក់ងារសារព័ត៌មានបានឲ្យដឹងថា ឯកឧត្ដម ស្វាយ សំអ៊ាង អភិបាលខេត្តមណ្ឌលគិរី និងជាប្រធានគណ:បញ្ចាការឯកភាពខេត្តបានដឹកនាំកំលាំងចម្រុះរួមមាន ស្នងការនគរបាលខេត្ត កងរាជអាវុធហត្ថខេត្ត និងកំលាំងយោធាខេត្តធ្វើដំណើរចេញទៅ ដើម្បីត្រួតពិនិត្យជាក់ស្ដែងនៅក្នុងព្រៃតែម្ដង។ហើយប្រតិបត្តិការនេះបានចេញដំណើរតាំងពីព្រឹកព្រលឹមម្លេះប៉ុន្តែនៅមិនទាន់បានដឹងលទ្ធផលនៅឡើយទេ។
ការចេញធ្វើប្រតិបត្តិការនេះធ្វើឡ;ងភ្លាមៗ ក្រោយសម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃកម្ពុជាបានទទួលស្គាល់ថាពិតជាមានករណី(ចោរលួចកាប់ព្រៃឈើ) តែដីព្រៃឈ;ដែលបាត់បង់នោះ ត្រូវបានជំនួសមកវិញដោយចំការកៅស៊ូនិងដំណាំផ្សេងៗទៀត ។
សម្ដេចតេជោក៏បានបញ្ជាក់ផងដែរថាសម្ដេចស្អប់ខ្លាំងណាស់ចំពោះក្រុមលួចកាប់ព្រៃឈើ ហើយសម្ដេចក៏បានបញ្ជាឱយមានការតាមដាននិងព្រមានចាប់ក្រុមចោរទាំងនោះផងដែរ ៕
