ខេត្តមណ្ឌលគិរី ៖ ឯកឧត្ដម ស្វាយ សំអ៊ាង អភិបាលខេត្តមណ្ឌលគិរីបានព្រមានដល់ប្រធានមន្ទីរអង្គភាពណាដែលអវត្តមានរយៈពេល៣ដងគ្មានច្បាប់មិនបានចូលរួមប្រជុំសំខាន់ៗរបស់រដ្ឋបាលខេត្តនឹងធ្វើលិខិតស្នើទៅរដ្ឋមន្ត្រី ។
ឯកឧត្ដមមានប្រសាសធ្ងន់ៗថា ដើម្បីពង្រឹងរបៀបរបបការងាររបស់រដ្ឋបាលខេត្តឱ្យមានប្រសិទ្ធិភាពខ្ពស់ បានក្រើនរំលឹកដល់ប្រធានមន្ទីរអង្គភាពជុំវិញខេត្ត និងអភិបាលក្រុង ស្រុក ណាដែលមិនបានមកចូលរួមប្រជុំប្រចាំខែ ឫប្រជុំសាមញ្ញរបស់ក្រុមប្រឹក្សាខេត្តដែល អវត្តមានរយៈពេល៣ដង ដោយគ្មានច្បាប់ នោះនឹងធ្វើលិខិតស្នើរទៅរដ្ឋមន្ត្រីដេីម្បីមានវិធានការ។
ឯកឧត្តម បានមានប្រសាសន៍ បន្ថែមថាក្នុងកិច្ចប្រជុំសាមញ្ញលើកទី៥២ របស់ក្រុមប្រឹក្សាខេត្ត ឆ្នាំទី៥ អាណត្តិទី២ នៅសាលប្រជុំអគារក្រុមប្រឹក្សាខេត្តមណ្ឌលគិរី នាព្រឹកថ្ងៃទី០៥ ខែកញ្ញា ឆ្នាំ២០១៨ ព្រមទាំងបានបានបញ្ជាក់ថា កន្លងមកឃើញ ប្រធានមន្ទីរអង្គភាពមួយចំនួន មិនសូវយកចិត្តទុកដាក់អនុវត្តការងាររបស់ខ្លួន ជាពិសេស ពេលប្រជុំប្រចាំខែ របស់គណៈអភិបាលខេត្ត និងកិច្ចប្រជុំសាមញ្ញរបស់ក្រុមប្រឹក្សាខេត្ត ដែលតែងតែឱយអនុប្រធាន ឫមន្ត្រី ថ្នាក់ក្រោមឱ្យមកចូលរួមប្រជុំ ដែលធ្វើឱ្យមានការលំបាកក្នុងកិច្ចការអនុវត្តការងាររដ្ឋបាលមួយចំនួនកន្លងមក។
ឯកឧត្តម អភិបាលខេត្ត បានដាក់វិធានការយ៉ាងតឹងស្នេីរដល់ប្រធានមន្ទីរអង្គភាពទាំងអស់ ចាប់ពីខែក្រោយៗនេះមកចូលរួមប្រជុំឱយបានគ្រប់ៗគ្នាព្រោះកិច្ចប្រជុំនេះមានសារសំខាន់ ដែលចាំបាច់តំរូវឱយ ប្រធានមន្ទីរចូលរួម ដើម្បីត្រួតពិនិត្យ វាយតម្លៃ និងឆ្លុះបញ្ចាំងអំពីសមិទ្ធិផលការងារ និងបញ្ហាប្រឈមនានា ក្នុងការដោះស្រាយរួមគ្នាជូនប្រជាពលរដ្ឋនៅពេលពួកគាត់មានបញ្ហាកេីតមានឡេីង។
ជាងនេះទៅទៀត ឯកឧត្តម អភិបាលខេត្ត បានស្នើឱ្យ នាយករដ្ឋបាលសាលាខេត្ត ត្រូវធ្វេីបញ្ជីវត្តមានឈ្មោះប្រធានមន្ទីរណាដែលអវត្តមាន៣ដង គ្មានច្បាប់ គ្មានបេសកម្ម មិនបានចូលរួមប្រជុំសំខាន់ៗរបស់រដ្ឋបាលខេត្ត នឹងសរសេរលិខិតផ្ញើរជូនទៅរដ្ឋមន្ត្រី។
ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត បានណែនាំ និងជម្រុញបន្ថែមដល់រដ្ឋបាលខេត្ត មន្ទីរអង្គភាព និងអាជ្ញាធរក្រុងស្រុក រួមទាំងសមត្ថកិច្ចទាំងអស់ ត្រូវខិតខំយកចិត្តទុកដាក់អនុវត្តការងាររបស់ខ្លួនបន្ថែមទៀត ជាពិសេស លើការងារផ្តល់សេវាសាធារណៈឱយមានប្រសិទ្ធភាព ខ្ពស់ ដើម្បីធ្វើយ៉ាងណា ជួយកាត់បន្ថយភាពក្រីក្រជូនប្រជាពលរដ្ឋ និងធ្វើឱ្យខេត្តមណ្ឌលគិរី ប្រែមុខមាត់ថ្មីបន្ថែមទៀតនៅក្នុងអាណត្តិទី6នេះ។
