បាត់ដំបង ៖ អាវុធហត្ថក្រុង បាត់ដំបង ស្រាវជ្រាវឃាត់ខ្លួន យុវជនម្នាក់លក់គ្រឿងញៀន កសាងសំណុំរឿង បញ្ជូនទៅតុលាការ នាព្រឹកថ្ងៃទី១០ ខែកុម្ភៈ ឆ្នាំ២០១៤ ចាត់ការតាមនិតិវិធី ។
យុវជនសង្ស័យ ត្រូវកម្លាំងអាវុធហត្ថ ស្រុកកំរៀង ធ្វើការឃាត់ខ្លួន ខណៈកំពុងលក់ថ្នាំញៀន ខុសច្បាប់តាមដងផ្លូវ កាលពីរសៀល ថ្ងៃទី០៩ ខែកុម្ភៈ ឆ្នាំ២០១៤ នៅចំណុចចុងស្ពានថ្មចាស់ ភូមិ សង្កាត់ព្រែកព្រះស្តេច ក្រុងបាត់ដំបង ។
លោក សំ វីឡុង មេបញ្ជាការងអាវុធហត្ថ ក្រុងបាត់ដំបង បានអោយដឹងថា យុវជនសង្ស័យ ដែលសមត្ថកិច្ចឃាត់ខ្លួន មានឈ្មោះ ហេង ដារ៉ា អាយុ ១៦ ឆ្នាំ រស់នៅភូមិព្រែក មហាទេព សង្កាត់ស្វាយប៉ោ ក្រុងបាត់ដំបង ។ វត្ថុតាង ដែលដកហូតបានមាន ថ្នាំញៀនយ៉ាម៉ាចំនួន១ថង់តូច និង ទូរស័ព្ទដៃចំនួន ២ គ្រឿង។
ជនសង្ស័យឈ្មោះ ហេង ដារ៉ា បានឆ្លើយបដិសេធន៍ថា ថ្នាំញៀន មិនមែនជារបស់ខ្លួននោះទេ គឺជួយកាន់អោយគេ ប៉ុណ្ណោះ ដែលមានម្ចាស់ ឈ្មោះ បូរ៉ា ។
លោកសំ វីឡុង មេបញ្ជាការងអាវុធហត្ថ ក្រុងបាត់ដំបង បានបានបញ្ជាក់ថា ទោះជាជនសង្ស័យ មិនព្រមសារភាពក៏ដោយ តែវត្ថុតាងថ្នាំញៀន សមត្ថកិច្ច ដកបានពេលយុវជននេះ កំពុងឈរលក់ចែកចាយ ។ ហើយយុវជនសង្ស័យ ត្រូវកសាងសំណុំរឿង បញ្ជូនទៅតុលាការ នាព្រឹកថ្ងៃទី១០ ខែកុម្ភៈ ឆ្នាំ២០១៤ ចាត់ការតាមនិតិវិធី ៕
ភារម្យ
