ខេត្តកំពតះ លោក ហ៊ុន ម៉ានី តំណាងសម្តេចតេជោហ៊ុន សែន និងសម្តេចកិតិព្រឹទ្ធបណិ្ឌត ប៊ុន រ៉ានី ហ៊ុន សែន នារសៀល ថ្ងៃ ទី២២ខែមករា ឆ្នាំ២០១៤នេះ បានយកនូវអំណោយ របស់សម្តេចទាំង ២ ចែកជូនគ្រួសារ កងទ័ព និងគ្រួសារប៉េអឹម ក្នុងស្រុក កំពង់ត្រាច ចំនួន២៧៦គ្រួសារ ស្ថិតក្នុងបន្ទាយវរសេនាតូច៣០២។
អំណោយដែលត្រូវចែកជូនដល់គ្រួសារកងទ័ពចំនួន២៧៦គ្រួសារនាពេលនេះ គឺ១គ្រួសារទទួលបាន អង្ករចំនួន៣០គីឡូក្រាម ភួយ១ មុង១ សារុង១ ទឹកសីុអីុវនិងទឹកត្រី៤ដប ត្រីខមួយយួរនិងថវិកាចំនួន៣០០០០រៀល។ ដោយឡែក ពលទាហានក្នុងវរ ៣០២ ក៏ត្រូវ ឧបត្ថម្ភអាវរងាម្នាក់មួយផងដែរ។
ថ្លែងសំណេះសំណាលនាឱកាសនោះ លោក ហ៊ុន ម៉ានី ក៏បានបញ្ជាក់ថា ក្នុងនាមលោកជាតំណាង សម្តេចទាំង២ លោកសូម ពាំនាំនូវការនឹករលឹកជាពន់ពេកដល់នាយទាហាន ពលទាហាន ព្រមទាំងក្រុមគ្រួសារកងទ័ពទាំងអស់ ដោយខណះនេះ លោក ក៏សូមថ្លែងអំណរគុណយ៉ាងជ្រាលជ្រៅចំពោះវត្តមានអាជ្ញាធរដែនដីគ្រប់លំដាប់ថ្នាក់ដែលបានចូលរួមក្នុងថ្ងៃនេះ។
លោកបានលើកឡើងថា តាមរយះការសួរសុខទុក្ខនេះ លោកក៏ពាំនាំការនឹករលឹកពីសំណាក់សម្តេចអគ្គមហាសេនាបតីតេជោ ហ៊ុន សែននិងសម្តេចកិតិព្រឹទ្ធបណ្ឌិត ប៊ុន រ៉ានី ផងដែរ បើទោះជាអំណោយទាំងនេះ មានតិចតួចស្តួចស្តើងពិតមែន ក៏អាចដោះ ទ័លមួយគ្រាដែរ។លោក ហ៊ុន ម៉ានី ក៏បានបញ្ជាក់បន្ថែមថា ការនាំអំណោយ សំរាប់ចែកជូនដល់គ្រួសារកងទ័ព នឹងបាន ប្រព្រឹត្ត ជាបន្តបន្ទាប់ទៀត ដោយកន្លងមកនៅតាមបណ្តាខេត្តក្រុងមួយចំនួនក៏ត្រូវបានផ្តល់ជូនរួចរាល់ហើយដែរ ៕
រ-សហការី
