ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា នៅវេលាម៉ោង ៧ និង ៣០ នាទី ព្រឹកថ្ងៃទី០១ ខែឧសភា ឆ្នាំ២០១៨ នេះ បានអញ្ជើញចូលរួមពិធីកម្សាន្តសប្បាយអបអរសាទរទិវាពលកម្មអន្តរជាតិ ១ ឧសភា លើកទី ១៣២ ជាមួយបងប្អូនកម្មករ និយោជិតរោងចក្រមីនេបៀ (ខេមបូឌា) នៅតំបន់សេដ្ឋកិច្ចពិសេសភ្នំពេញ។ ក្នុងពិធីនេះ មានកម្មករកម្មការិនីចូលរួមសរុបប្រមាណ ៥.៥១៥ នាក់។
សម្តេចតេជោ ហ៊ុន សែន រួមជាមួយថ្នាក់ដឹកនាំរាជរដ្ឋាភិបាលដទៃទៀត អញ្ជើញចូលរួមរាំកម្សាន្ត និងពិសាអាហារជុំគ្នាជាមួយកម្មករ កម្មការិនី ដោយមានតន្ត្រីកំដរផងដែរ។បន្ទាប់ពីពិធីកម្សាន្តសប្បាយជាមួយកម្មករ និយោជិត សម្តេចតេជោ ហ៊ុន សែន ក៏នឹងជួបពិភាក្សា
ការងារជាមួយលោក យ៉ូស៊ីហ៊ីសា កៃនុម៉ា ប្រធានក្រុមហ៊ុន មីនេបៀ មីតហ្ស៊ូមី ដើម្បីបានស្តាប់ពីស្ថានភាពការងាររបស់ក្រុមហ៊ុន និង គម្រោងអភិវឌ្ឍន៍ថ្មីៗបន្ថែមទៀត៕
