យោងតាមព័ត៌មានផ្សព្វផ្សាយតាមរយៈគេហទំព័រក្នុងស្រុកបាននិយាយថា ប្រធានមន្ទីរសង្គមកិច្ចខេត្តសៀមរាប លោក អោ ម៉ៅបានកឹបកេងថវិកាជាតិក្នុងរយៈជាង ២ឆ្នាំ សរុបជាប្រាក់រាប់រយលានរៀលដោយឃុបឃិតជាមួយមន្ត្រី មួយចំនួនក្នុងមន្ទីរ ។
ព័ត៌មានដែលបានផ្សព្វផ្សាយ សង្កត់ធ្ងន់ថា លោក អោ ម៉ៅ ជាប្រធានមន្ទីរបានធ្វើសកម្មភាពកឹបកេងលើខ្ទង់ប្រាក់ ចំណាយរបស់រដ្ឋដូចជា ប្រាក់ជួយជនរងគ្រោះដោយគ្រោះធម្មជាតិ, ប្រាក់ចំណាយលើផ្នែកថែទាំជួសជុល និងលើផ្នែករដ្ឋបាល ។ ព័ត៌មានបញ្ជាក់បន្ថែមទៀតថា គេបានឃើញក្រុមអធិការកិច្ច និងសវនកម្មក្រសួងចុះត្រូតពិនិត្យដែរ តែហាក់បីដូចរក្សា បានភាពស្ងប់ស្ងាត់ អាចមានទំនាក់ទំនងស្វាគមន៍ពីលោក អោ ម៉ៅ ប្រធានមន្ទីរសង្កមកិច្ចខេត្តសៀមរាប ។
មានប្រសាសន៍ទាក់ទិននឹងព័ត៌មានខាងលើ លោក អោ ម៉ៅ ប្រធានមន្ទីរសង្គមកិច្ចខេត្តសៀមរាប បញ្ជាក់ប្រាក់អ្នក យកព័ត៌មានយើងទាំងទឹកមុខញញឹមថា “មាសសុទ្ធមិនខ្លាចភ្លើង”ឡើយ ។ តែនេះជាសេរីភាពនិយាយរបស់គេ តែសេរីភាព បែបនេះ និងធ្វើឱ្យខូចកិត្តិយសរបស់អ្នកដទៃ ។ គេអាចនិយាយក្នុងរូបភាពបែបមិនសប្បាយចិត្តណាមួយ ចំពោះយើង ព្រោះថា ការនិយាយដែលគ្មានភស្តុតាងជាក់លាក់បែបនេះ គឺមិនត្រឹមប៉ះពាល់កិត្តិយសបុគ្គលមួយចំនួនក្នុងមន្ទីរនោះទេ គឺប៉ះពាល់រហូតដល់កិត្តិយសថ្នាក់ដឹកនាំ ក្រុមអធិការកិច្ច និងសវនកម្មក្រសួងថែមទៀត ។
លោក អោ ម៉ៅ បន្ថែមថា ផ្ទុយទៅវិញប្រជាពលរដ្ឋរងគ្រោះជាក់ស្តែង បងប្អូនរងគ្រោះដោយគ្រោះធម្មជាតិតែង ពេញចិត្តពេញថ្លើម ចំពោះសកម្មភាពជាក់ស្តែងក្នុងការចុះជួយបានទាន់ពេលវេលា ។ មិនត្រឹមតែប៉ុណ្ណោះ បងប្អូនបានសម្តែង ការដឹងគុណ ចំពោះមន្ទីរ និងដឹងគុណដល់ឯកឧត្តម រដ្ឋមន្ត្រី វង សូត ថែមទៀត ដែលឯកឧត្តម តែងធ្វើការដោះស្រាយបាន ទាន់ពេលវេលា ជួយជនរងគ្រោះ នៅក្នុងខេត្តតាមរយៈចុះជួយដោយផ្ទាល់របស់មន្ត្រីសង្គមកិច្ចខេត្តហើយដែលកន្លងមកក៏មិន ដែលមានការទិតៀន ឬមានពាក្យបណ្តឹងពីបទមិនប្រក្រតីណាមួយទៅកាន់មន្ទីរ ឬក្រសួងនោះឡើយ ៕
