ខេត្តសៀមរាប ៖ មេឈ្មួញរកស៊ីដឹកជញ្ជូនឈើដ៏មានអំណាចប្រចាំឃុំស្រយ៉ង់ ស្រុកគូលែន ខេត្តព្រះវិហារ ឈ្មោះ ចែលី បាន រក ស៊ីជញ្ជូនឈើតាមរថយន្តសាំងយ៉ុង ចូលមកខេត្តសេមរាបរៀងរាល់ថ្ងៃពុំមានមន្ត្រីពាក់ព័ន្ធ និងជំនាញរដ្ឋបាល ព្រៃឈើណាហ៊ានទប់ស្កាត់បានម្តងណាឡើយ ដោយហេតុថា ការរកស៊ីដឹកឈើមេឈ្មួញនេះ បានធ្វើការទំនាក់ទំនងតាមប្រព័ន្ធ ទូរស័ព្ទ ជាមុន ។ មជ្ឈដ្ឋាននានាបានដាក់ការសង្ស័យថា ទំនងជាមានការត្រូវរ៉ូវគ្នាជាមួយមន្ត្រីជំនាញៗពាក់ព័ន្ធក្នុងករណីរកស៊ីដឹកឈើនេះហើយ ទើបមេឈ្មួញរូបនេះ ហ៊ានធ្វើ ការដឹកជញ្ជូនឈើយ៉ាងអនាធិបតេយ្យ ។
មេឈ្មួញរូបនេះនិយាយថា អ្នកដែលរកស៊ីដឹកឈើមិនមែនតែរូបនាងខ្ញុំមួយទេ នៅមានអ្នករកស៊ីដឹកឈើធ្វើ ដូចរូបរាងខ្ញុំច្រើន ដូចឈ្មោះ ចែវិត, សៀម ចន្តា, រិទ្ធិ ហុង, ខុន ហេង និងនួន សយ ជាប៉េអឹមស្រុកបាសាទបាគង និងមានមេឈញច្រើនទៀត ដែលរៀបរាប់មិនអស់ ។
មេឈ្មួញរកស៊ីដឹកឈើទាំងអស់នេះ បានដឹកជញ្ជូនឈើមកពីស្រុកគូលេន ខេត្តព្រះវិហារមួយចំនន ដឹកមកពីឃុំខ្វាវ ស្រុកជីក្រែង ខេត្តសៀមរាបមួយចួំន ។ ហើយការធ្វើដំណើរដឹកឈើរបស់មេឈ្មួញបានដឹក តាមដងផ្លូវ(ខាំ សាមេធ)ដោយហោចណាស់ផ្លូវនេះមានមន្ត្រីពាក់ព័ន្ធខាងការទប់ស្កាត់ព្រៃឈើច្រើនកន្លែង មានដូចផ្នែករដ្ឋបាលព្រៃឈើស្រយ៉ង ប៉ូលិសសេដ្ឋកិច្ចប្រចាំព្រំប្រទល់ខេត្តព្រះវិហារ និងខេត្តសៀមរាប សង្កាត់រដ្ឋបាលព្រៃឈើស្វាយលើ អង្គការបរិស្ថានការពារធនធានធម្មជាតិព្រៃឈើក្នុងស្រុកស្វាយលើ ខេត្តសៀមរាប សង្កាត់រដ្ឋបាលព្រៃឈើស្រុកសូទ្រនិគម តែគ្មានដាក់ផ្លាកឱ្យមជ្ឈដ្ឋាននានាបានឃើញបានដឹងឡើយ ។
តើលោក នូវ លី ជាមន្ត្រីណាដែរ ? ព្រោះថា ឈ្មួញរកស៊ីដឹកឈើទាំងអស់មកដល់ស្រុកប្រាសាទបាគង ខេត្តសៀមរាប តែងចុះបង់លុយ និងប្រាប់តាមទូរស័ព្ទទុកជាមុន ។ កន្លែង លោក នូវ លី នៅឃុំរលួស ស្រុកប្រាសាទបាគង ខេត្តសៀមរាប ផ្លូវជាតិលេខ ៦ ។ បើមន្ត្រីជំនាញខាងមេព្រៃឈើម្តេចគ្មានដាក់ផ្លាកឱ្យមជ្ឈដ្ឋាន នានាគេស្គាល់ផង ។ ព្រោះឈ្មួញដឹកឈើ (ឈ្មោះ នួន សុយ) ជាប៉េអឹមស្រុកប្រាសាទបាគងផង ជាមេឈ្មួញរកស៊ីឈើខុសច្បាប់ផង សូមលោក នូវ លី ជួយធ្វើការទប់ស្កាត់អំពីឈ្មួញរកស៊ីដឹកឈើទាំងនោះផង បើពុំនោះទេ ព្រៃឈើស្រុកខ្មែរទៅថ្ងៃអនាគតប្រាកដជាវិនាសអស់ហើយ ៕
