ប្រភពដដែលបានលូចទម្លាយអោយដឹងថា ៖នៅក្នុងកាសុីណូ«TG GENTING»នេះមិនមែនលេងតែល្បែងសុីសងបញ្ជល់មាន់ខុសច្បាប់មួយមុខនោះទេ។ល្បីថាកាលពីប៉ុន្មានថ្ងៃមុននេះ មានករណីការជួញដូរគ្រឿងញៀនដ៏ធំមួយ  ត្រូវបានសមត្ថកិច្ចបង្ក្រាបបាននៅក្នុងកាសុីណូ«TG GENTING»នោះបានចំនួនជាង២គីឡូក្រាមទៀតផង។

ប៉ុន្តែព័ត៌មានលម្អិតនៃការបង្ក្រាបគ្រឿងញៀននោះ ត្រូវគេបិទបាំងយ៉ាងជិត ដោយអា៌ថកំបាំងបំផុត ទើបយើងមិនអាចដឹងថា តើសមត្ថកិច្ចខាងណាដែលបានចុះទៅបង្ក្រាបគ្រឿង ញៀននៅទីនោះឡើយ។ ក៏ប៉ុន្តែទោះយ៉ាងណា ព័ត៌មានស្តីពីបង្ក្រាបការជួញដូរគ្រឿងញៀនក្នុងកាសុីណូ TG GENTIN នេះ យើងកំពុងធ្វើការស្រាវជ្រាវបន្ត ដើម្បីរកព័ត៌មានពិតដែលយកជាការបានមកផ្សាយជូនបន្តថាតើវាជាការពិតឬយ៉ាងណា?

ហេតុការណ៍ដែលគួរអោយអាម៉ាស់បែបនេះ បាននឹងកំពុងកើតមានរាល់ថ្ងៃ នៅឯទល់ដែនខ្មែរ-យួនក្នុងភូមិឡាប៉ាខេ ឃុំស្រែខ្ទុម ស្រុកកែវសីម៉ា ខេត្តមណ្ឌលគិរី ដែលគ្រប់គ្រងដោយស្តេចត្រាញ់ លោកថង សាវុនជាអភិបាលខេត្ត និងលោកផ្កាយ២ ឡោ សុខា ស្នងការនគរបាលខេត្ត។

ប្រភពដដែលបញ្ជាក់ថា៖កាសុីណូ«ធីជីហ្គេនទីង TG GENTING»នោះ មានថៅកែជាជនជាតិយួនមានភាគហ៊ុនជាមួយខ្មែរ ដែលមានច្បាប់កាសុីណូត្រឹមត្រូវ ប៉ុន្តែពុំមាន ច្បាប់ពី(ជីដូនជីតា)ឯណាអោយ បើកលេងល្បែងសុីសងបញ្ជល់មាន់ ហើយកំពុងល្បីថាមានការជួញដូរគ្រឿងញៀនក្នុងកាសុីណូនោះទៀតផងបែបនោះទេ។

ប្រភពដដែលបានបញ្ចេញជាទស្សនៈផ្ទាល់ខ្លួនថា៖ហេតុអ្វីទើបពួកយួនគេអាចឆ្លងដែនចូលទឹកដីខ្មែរ មកលេងល្បែងសុីសង យ៉ាងគគ្រឹកគគ្រេងរាល់ថ្ងៃនៅកាសុីណូ«ធីជីហ្កេនទីង =TGGENTING»ក្នុងភូមិឡាប៉ាខេ ឃុំស្រែខ្ទុម ស្រុកកែវសីម៉ាខេត្តមណ្ឌលគិរី បានស្រួលៗម៉្លេះ?

រឿងនេះ អាចធ្វើបានដោយសារតែ លោក សឿន សុខណា ជាប្រធានច្រកទ្វាឡាប៉ាខេ ថ្លើមធំ ហ៊ានបើកច្រកអោយយួនចូលដោយល្មើសច្បាប់ ដូចគោហ្វូង គឺអាចមកពីលោកសឿន សុខណានោះទទួលបានផលប្រយោជន៍ធំធេង ដែលផ្តល់អោយដោយម្ចាស់កាសុីណូនោះហើយ?ទើបជាធូរលុង ខ្ញុំឆ្ងល់ដែរគេអោយយាមទ្វារ  ហ៊ានមុខក្រាស់បើកទ្វាប្រទេស
របស់ខ្លួន អោយយួនចូលមកក្នុងទឹកដីខ្មែរតាមចិត្ត មិនខ្មាស់ភាគីវៀតណាម មិនខ្ចីបើកភ្នែក មើលភាគីវៀតណាម ដើម្បីអោយឃើញថា តើភាគីវៀតណាមគេអោយខ្មែរចូលប្រទេសដើម្បីទៅលេងល្បែងគគ្រឹកគគ្រេងដូចឯងទេឬបើកភ្នែកឃើញដែរដឹងដែរនៅតែធ្វើមុខក្រាស់ហ្ន៎!មិនតែប៉ុណ្ណឹង ថែមទាំងល្បីថាយួនចូលមកនោះ មានជួញដូរគ្រឿងញៀនបានទៀត
ផង?

ប្រភពបន្តទស្សនៈគាត់ទៀតថា៖ ព្រំដែនដាច់ខ្សែបែបនេះវាមិនមែនមកពីមានការយោគយល់ឬមកពីរុះងមិត្តភាពខ្មោចយក៍អ្វីនោះទេ តាមដឹងរដ្ឋាភិបាលរបស់គេ ក៏មិនចង់ឃើញពលរដ្ឋគេ យកប្រទេសខ្មែរធ្វើជាបនល្បែងហើយចូលមកលេងល្បែងគគ្រឹកដូចគោហ្វូង ថែមទាំងឆ្លៀតប្រព្រឹត្តបទឧក្រឹដ្ឋបែបនឹងនោះដែរ ទាំងនេះគឺជាមារយាទអន់ខ្លួនឯងប៉ុណ្ណោះ ពេលបានកាន់តួនាទីឬពេលមានអំណាច «ប៉ៃម៉ាអស់ដួយ»អត់ចេះអៀនខ្មាស់ អតខ្លាចច្បាប់ពីព្រះឥន្ទណាសោះឡើយ។

លោកថង សាវុនអភិបាលខេត្តមណ្ឌលគិរី.លោកឡោសុខាស្នងការនគរបាលខេត្ត.លោកសានគឹមអ៊ាបអភិបាលស្រុកកែវសីម៉ា.លោកហេង អួង អធិការនគរបាលស្រុកកែវសីម៉ា.រួមទាំងលោកង៉ាន់ សារាវុធ ដែលជាអ្នកបើកច្រកទ្វារអោយយួនចូលដីខ្មែរតាមទំនើងចិត្តថែមទាំងសង្ស័យថានាំគ្នាមកជួញដូរគ្រឿងញៀនថែមទៀតតាមទូរសព្ទ័ផ្ទាល់បានទេគឺ សុទ្ធតែមិនសុំការពន្យល់នូវទង្វើដ៏អាម៉ាស់មុខនេះបានទេកាលពីព្រឹកមិញ៕