ខេត្តក្រចេះ ៖ កាលពីថ្ងៃទី ០៤ ខែមិថុនា ឆ្នាំ២០១៧ កន្លងទៅនេះ បានឱ្យដឹងថា ការបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី ៤ គឺគណបក្សប្រជាជនកម្ពុជា បានទទួលជ័យជំនះយ៉ាងត្រចះត្រចង់នៅ ទូទាំងឃុំក្នុង ស្រុកស្នួល ខេត្តក្រចេះ គួរជាទីមោទនភាពដ៏ខ្ពង់ខ្ពស់ចំពោះការខិតខំប្រឹងប្រែងយកចិត្តទុកដាក់ខ្ពស់លើការងារ ដឹកនាំបំរើប្រជាពលរដ្ឋបានល្អប្រសើរ ក្នុងភាពជាអ្នកដឹកនាំប្រកបដោយគតិបណ្ឌិត និងសប្បុរសធម៌របស់ ឯកឧត្តមអ្នក ឧកញ៉ា គង់ ក្រឹង ប្រធានក្រុមការងារគណៈពង្រឹង គណបក្សប្រជាជនកម្ពុជាចុះជួយតាមបណ្តាមូល ដ្ឋានភូមិ-ឃុំ និងស្រុក ស្នួលក៏ដូចជា តាមបណ្តាស្រុកនានាក្នុងខេត្តក្រចេះទើបដណ្តើមបានភាពជោគជ័យទាំងស្រុង លើការបោះឆ្នោត ។
ឯកឧត្តម អ្នកឧកញ៉ា គង់ ក្រឹង ប្រកាន់នូវអំពើល្អសប្បុរសធម៌តែងតែចុះមូលដ្ឋានជួយប្រជាពលរដ្ឋ ដោយផ្ទាល់ចូលរួមដោះស្រាយជួយឧបត្ថម្ភដល់ប្រជាពលរដ្ឋដែលរង គ្រោះថ្នាក់មានជំងឺ មានធុរៈចាំបាច់កំពុងជួបការលំបាក គ្រប់ពេលវេលា តាំងពីមុនការបោះឆ្នោតរហូតមកមិន ដែលអាក់ខាននោះឡើយ ។ ម្យ៉ាងទៀតមិនត្រឹមតែជួយ ប្រជាពលរដ្ឋ នោះទេ សូម្បីតែនៅក្នុងអង្គភាពកងយោធពលខេមរភូមិន្ទការពារព្រំដែនកម្ពុជា-វៀតណាម ក៏ត្រូវបានឯកឧត្តម អ្នកឧកញ៉ា គង់ ក្រឹង តែងតែជួយឧបត្ថម្ភគាំទ្រ ទាំងថវិកា សម្ភារៈ និងស្មារតីដល់កងកម្លាំងក្រោមឱវាទឱ្យចេះដោះស្រាយបញ្ហាគ្រួសារជា ចម្បងដូចជា ការដាំដុះដំណាំកសិកម្មចិញ្ចឹមមាន់ទា គោ ក្របី ដើម្បីសម្រួលដល់ ជីវភាពក្នុងគ្រួសារ ។
ទន្ទឹមនោះដែរ ឯកឧត្តម អ្នកឧកញ៉ា គង់ ក្រឹង មានសេចក្តីរីករាយយ៉ាងខ្លាំងដែលប្រជាពលរដ្ឋមានការយល់ដឹងច្រើន ដោយសារពួកគាត់បានហូបទឹកស្គាល់ពីប្រភពទឹក ច្បាស់ ទើបធ្វើឱ្យគណបក្សប្រជាជនកម្ពុជា ទទួលបានសំឡេងភាគច្រើននាំ មុខគេជានិច្ចរាល់ការបោះឆ្នោតម្តងៗជាពិសេសគឺភាពជោគច័យលើការបោះឆ្នោតជ្រើសរើស ក្រុមប្រឹក្សា ឃុំ-សង្កាត់ អាណត្តិទី ៤ នៅពេលនេះ ដោយសារតែមានការគាំទ្រពីពុកម៉ែបងប្អូនប្រជាពលរដ្ឋទាំងអស់ ដែលបានបំពេញកាតព្វក្វិច្ចជា ពលរដ្ឋល្អ ជាក្តីសង្ឃឹមជឿជាក់ចំពោះថ្នាក់ដឹកនាំរបស់គណបក្សប្រជាជនកម្ពុជា ហើយក្នុងនាមក្រុមការងារគណៈពង្រឹងបក្ស ឯកឧត្តម អ្នកឧកញ៉ា គង់ ក្រឹង សូមថ្លែងអំណរ គុណដល់ប្រជាពលរដ្ឋទាំងអស់ ដែលបានបោះឆ្នោតជូនគណបក្សប្រជាជន កម្ពុជាក្នុងខេត្តក្រចេះ និងស្រុកស្នួល ដែលបានការគាំទ្រចំពោះ ឯកឧត្តមផងដែរ ទើបធ្វើឱ្យ គណបក្សប្រជាជនកម្ពុជា ទទួលបានជ័យជំនះលើការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៤ នៅក្នុងស្រុកស្នួល ខេត្តក្រចេះ ជាក្តីបំណងប្រាថ្នារបស់រាជ រដ្ឋាភិបាល ។
យោងតាមលទ្ធផលបឋមដែលបានប្រកាសដោយគណៈកម្មការជាតិរៀបចំការបោះឆ្នោត(គ.ជ.ប)បានឱ្យដឹងថា គណបក្សប្រជាជនកម្ពុជាទទួលបានសំឡេងនាំមុខគេ បើគិតពីចំនួនអាសនៈគណបក្សប្រជាជនកម្ពុជា បានកាន់កាប់ឃុំ-សង្កាត់ ចំនួន ១១៦៧ ក្នុងចំណោម ១៦៤៦ ឃុំ-សង្កាត់ ទូទាំងប្រទេស បានទទួល ៣.៥២៩.៤០០ សំឡេង ស្មើនឹង ៥១.៣៩ភាគរយ កើនសំឡេងជាង ៣០ម៉ឺនសំឡេង ប្រៀបធៀបនឹងការបោះឆ្នោតសកលឆ្នាំ២០១៣ ហើយបើប្រៀបធៀបទៅនឹងអាសនៈក្នុង សភាវិញ គឺអាចបញ្ជាក់យ៉ាងច្បាស់ថា គណបក្សប្រជាជនកម្ពុជា នឹងនៅតែជាគណបក្សដែលមានសំឡេងភាគច្រើននៅក្នុងសភា និងដឹកនាំរាជរដ្ឋាភិបាលបន្តទៀតជាមួយនឹង ការបង្កើន បានសំឡេងឆ្នោតនៅឆ្នាំ២០១៨ ។
បើតាមតួលេខមិនទាន់ផ្លូវការបានបង្ហាញឱ្យឃើញថា ចំនួនអ្នកបោះឆ្នោត៦,៧៤៣.៣២៩នាក់ ដែលត្រូវទៅបោះឆ្នោតនៅទូទាំងប្រទេស ក្នុងនោះអ្នកគាំទ្រដោយស្មោះ ស្ម័គ្រ បោះឆ្នោតឱ្យគណបក្សប្រជាជនកម្ពុជាយ៉ាងផុលផុសមានចំនួន ៣,៥២៩,៤០០នាក់ គឺជាសំឡេងឆ្នោតដែលឈ្នះដាច់លើគណបក្សដទៃទៀត ក្នុងចំណោម ២២ ខេត្ត ដែលគណបក្សប្រជាជន កម្ពុជា ទទួលបានអាសនៈកាន់កាប់ឃុំ-សង្កាត់ ជាពិសេសខេត្តក្រចេះក៏ជាខេត្តដែលគណបក្សប្រជាជនកម្ពុជា ទទួលបានសំឡេងឈានមុខ គេផងដែរ ។
នេះហើយសបញ្ជាក់ឱ្យឃើញថា លទ្ធផលល្អដោយសារអំពើល្អរបស់ថ្នាក់ដឹកនាំ ទើបប្រជាពលរដ្ឋតែងតែគោរព ស្រឡាញ់គាំទ្រកោតសរសើរចំពោះការខិតខំប្រឹងប្រែង យកចិត្តទុកដាក់អស់ពីកម្លាំងកាយកម្លាំងចិត្ត ដើម្បីរក្សាការពារនូវ សុខសន្តិភាពការអភិវឌ្ឍន៍ និងលើកស្ទួយដល់ជីវភាពរស់នៅរបស់ប្រជាពលរដ្ឋរួមចំណែកកាត់បន្ថយ ភាពក្រីក្ររបស់រាជរដ្ឋាភិបាល ។
