ខេត្តសៀមរាប ៖ តាមប្រភពបានទម្លាយអោយដឹងទៀតថា ៖ លោក សូ ប្លាតុង ក្រៅពីប្រើអំណាចប្ដាច់ការទៅគាបកនាយករដ្ឋបាលសាលាក្រុង អោយស្ដាប់បង្គាប់ប្រព្រឹត្តអំពើពុករលួយបំប៉ោងគម្រោងរបៀបជិះសេះលែងដៃតាមមហិច្ឆតារបស់ខ្លួនយ៉ាងអសមត្ថភាពបំផុត។ហើយ ដែលបញ្ហានេះមិនគួរបើលោក ទេសរដ្ឋមន្ត្រី ជា សុផារា ដែលជាប់ឈ្មោះល្បីល្បាញជាមន្ត្រីស្អប់ខ្ពើមអំពើពុករលួយនោះមើលរលងពីសកម្មភាពអសមត្ថភាពបក្ខពួកនិយម ពុករលួយ ផ្ដាច់ការ របស់បុគ្គល សូ ប្លាតុង នោះទេ ។
ប្រភពក្រុមមន្ត្រីសាលាក្រុងសៀមរាប ខេត្តសៀមរាបបានទម្លាយព័ត៌មានអាស្រូវរបស់លោក សូ ប្លាតុង អោយយើងដឹងថា ៖ បានចេញផ្សាយកន្លងមកនោះ នូវពុំទាន់ត្រូវគ្រប់គ្រាន់ចំៗចំណុចពុករលួយទាំងអស់ទេ គឺនូវមានរឿងអាស្រូវពុករលួយជាប់ពាក់ព័ន្ធជាច្រើនទៀត ដែលមន្ត្រីជាប្រភពបាននឹងកំពង់តែបំបែកទម្លាយរឿងមិនប្រក្រតីទាំងនោះជាបន្តបន្ទាប់រឿងលោក សូ ប្លាតុង ជាអភិបាលក្រុងសៀមរាបប្រើអំណាចពីលើជាឧបនាយករដ្ឋមន្ត្រី ដែលយើងពុំទាន់បញ្ចេញឈ្មោះទៅពាំងគំរាមមន្ត្រីថ្នាក់ក្រោមនឹងក្រុមអាជ្ញាធរដែលសូម្បីតែគណះអភិបាលខេត្តសៀមរាប លោក ឃឹម បុនសុង ដែលជាអណាព្យាបាលទទឹងក្នុងខេត្តនោះក៏មិនហ៊ានក្អកប៉ះពាល់រោមជើងលោក សូ ប្លាតុង ដែរ ព្រោះតែខ្លាចអំណាចស្រមោលឧបនាយករដ្ឋមន្ត្រីដ៏ធំនូវពីក្រោយនោះ។
បើតាមប្រភពដដែល បានឱ្យដឹងទៀតថា ៖ លោក សូ ប្លាតុង បានវាយឫក លេងរាងក្រអឺតក្រទម មិនប្រគល់ការងារទៅអោយមន្ត្រីក្រោមឱវាទណាដែលមិនចេះឯបអបឧិនក្បាលគោរពខ្លួននោះទេ។ហើយជាងនេះទៅទៀតបើទោះបីជាមន្ត្រីរូបនោះជាមន្ត្រីជំនាញខិតខំបំពេញការងារតាមតួនាទីរបស់ខ្លួនការងារជូនប្រជាពលរដ្ឋ យ៉ាងសកម្មយ៉ាងណាក៏ដោយ ជាក់ស្ដែងដូចជា លោក ឌី ប៊ុនហាក់ ដែលជាមន្ត្រីស្លូតត្រង់ មានអតីតភាពបំរើការងារ ជាមន្ត្រីជំនាញមកដល់បច្ចុប្បន្ននេះគេបែរជាឃើញលោក សូប្លាតុង ដកគាត់ដាក់បញ្ឈរជើងដោយដាក់ជំនួសមកវិញ នូវបក្ខពួករបស់ខ្លួនដើម្បីងាយស្រួលប្រព្រឹត្តអំពើពុករលួយគៃបំបាត់ពន្ធរដ្ឋយកទៅធ្វើមានបានចែកបក្ខពួកខ្លួនដែលបញ្ហាននេះគួរតែអង្គភាពប្រឆាំងអំពើពុករលួយមានវិធានការដាក់ការស្រាវជ្រាវស៊ើបអង្កេតជាបន្ទាន់ផង ដើម្បីជួយទប់ស្កាត់ នឹង ក៏ដូចជាជួយលុបបំបាត់ពីភាពរំជើបរំជួលអោយមន្ត្រីផ្ទៃក្នុងការងារបានអស់ចិត្តផង ។
ប្រភពព័ត៌មានដដែល បានឱ្យដឹងទៀតថា ៖ លោក សូ ប្លាតុង ដែលគេស្គាល់ថា ជាអភិបាលក្រុងសៀមរាប ដែលទើបបានទទួលតួនាទី ជិតមួយអាណត្តិរដ្ឋាភិបាលនេះ គឺកំពុងតែត្រូវប៉ាន់ នឹង រួមដៃគ្នា ឃុបឃិតគ្នា ជាលក្ខណៈប្រព័ន្ធ បង្កើត គ្រួសារនិយម បក្ខពួកនិយម យ៉ាងពេញបន្ទុក នៅក្នុងរដ្ឋបាលសាលាក្រុងទៅលើការចុះបញ្ជីការការងារដីធ្លី និង ការកាត់ប្លង់ បំបែកប្លង់ ក្បាលដីជាដើម ។ល។ ដោយអោយមន្ត្រីណាជាខ្សែ ហ របស់ខ្លួនទទួលការងារ សូប៉ាន់ បង្កភាពអនាធិបតេយ្យ នៅក្នុងការិយាល័យរដ្ឋបាល ដោយមិនគោរពច្បាប់ការងាររដ្ឋបាលរបស់រដ្ឋសូម្បីបន្តិច។ មិនតែប៉ុណ្ណោះគឺលោក សូ ប្លាតុង បានបង្ក នូវភាពទំនាស់ផ្ទៃ ក្នុងការងារក្នុងអង្គភាពនាំអោយមានការបែកបាក់ក្រោមការដឹកនាំរបស់ខ្លួន យ៉ាងអសមត្ថភាពបំផុត ពោលគឺលោក សូ ប្លាតុង បានដឹកនាំអង្គភាពតាមរបៀបបែបអគតិ នឹង ផ្តាច់ការបំផុតមិនគួរ នឹង មើលរំលងនោះទេ ។
ដោយឡែក ប្រភពបានបន្តទៀតថា ៖ បច្ចុប្បន្ន ការដឹកនាំរដ្ឋបាលការងារផ្ទៃក្នុងកំពុងតែកើតមានការកុងកាច់គ្នាយ៉ាងពេញបន្ទុករវាងលោក ឌី ប៊ុនហាក់ និង លោក សូ ប្លាតុងដែលជាអភិបាលក្រុង សៀម រាបនោះ។ ដោយសារតែលោក ឌី ប៊ុនហាក់ មានប្រជាប្រិយភាព ជាងខ្លួនគាត់ សូ ប្លាតុង ហើយមានជំនាញ សមត្ថភាព នឹង ការងារជំនាញល្អជាងខ្លួន ដែលជាមន្ត្រីជំនាញមានសកម្មភាព នឹង បទពិសោធន៍ជំនាញការងារយូរឆ្នាំមកនោះ។ ដូច្នោះ ហើយទើបបានជាមានការកាច់កុងបង្កើតទៅជាអំពើពុករលួយ បង្កើតជាបក្ខពួកនិយមយ៉ាងពេញបន្ទុកក្រោមការដឹកនាំរបស់រដ្ឋបាលសាលាក្រុង សៀមរាប ដែលទំនាស់នោះ មិនអាចនឹងផ្សះផ្សាគ្នាបានព្រោះតែការដឹកនាំយ៉ាងផ្ដាច់ការ របស់បុគ្គល សូរ ប្លាតុង អសមត្ថភាពនោះ ៕
សារព័តមានយើងពំុអាចសំុការបំភ្លឺពីលោកអភិបាលក្រុងសៀមរាប សូរ ប្លាតុង បានទេ ខណៈដែលភ្នាក់ងារព័ត៌មានយើងព្យា យាមសុំជួបជាច្រើនលើកច្រើនសារពុំបានសម្រេច ៕
