កិច្ចប្រជុំបូកសរុបលទ្ធផលកិច្ចសហប្រតិបត្តិការរក្សាសន្តិសុខ សណ្ដាប់ធ្នាប់តាមតំបន់ព្រំដែនប្រចាំឆ្នាំ២០២២ រវាងស្នងការដ្ឋាននគរបាលខេត្តមណ្ឌលគិរី(កម្ពុជា ) និងស្នងការដ្ឋាននគរបាលខេត្តប៊ិញភឿក(សាធារណ:រដ្ឋសង្គមនិយមវៀតណាម)

មណ្ឌលគិរី ÷ នាព្រឹក ថ្ងៃសុក្រ ២រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី៧ ខែមេសា ឆ្នាំ២០២៣ នៅស្នងការដ្ឋាននគរបាលខេត្តមណ្ឌលគិរី នាវេលាម៉ោង៨,០០នាទី ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តបានរៀបចំបើកកិច្ចប្រជុំបូកសរុបលទ្ធផល កិច្ចសហប្រតិបត្តិការរក្សាសន្តិសុខសណ្តាប់ធ្នាប់នៅតាមខ្សែបន្ទាត់ព្រំដែន ប្រចាំឆ្នាំ២០២២ និងលើកទិសដៅអនុវត្តការងារកិច្ចសហប្រតិបត្តិការឆ្នាំ២០២៣ រវាងស្នងការដ្ឋាននគរបាលខេត្តមណ្ឌលគិរី(កម្ពុជា) និងស្នងការដ្ឋាននគរបាលនៃខេត្តប៊ិញភឿក (សាធារណ:រដ្ឋសង្គមនិយមវៀតណាម)។

ភាគីវៀតណាម ដឹកនាំដោយលោកវរសេនីយ៍ឯក ប៊ួយ ស៊ន់ថាំង ស្នងការនគរបាលខេត្តប៊ិញភឿក រួមជាមួយនិងមន្រ្តីនគរបាលជំនាញពាក់ព័ន្ធនៅតាមខ្សែបន្ទាត់ព្រំដែនសរុបចំនួន ១៧ រូប ដែលបានអញ្ចើចូលរួមក្នុងកិច្ចប្រជុំនាឱកាសនោះផងដែរ។

ភាគីកម្ពុជាដឹកនាំដោយឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តដែលជាប្រធាននៃកិច្ចប្រជុំព្រមទាំងលោកឧត្តមសេនីយ៍ត្រី ឆាយ សុខា ទទួលការងារកិច្ចការព្រំដែនតំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ព្រមទាំងលោក លោកស្រីស្នងការរងទទួលការងារព្រំដែនអធិការនគរបាល ស្រុកដែលជាប់និងខ្សែបន្ទាត់ព្រំដែននិងមន្រ្តីនគរបាល ជំនាញពាក់ព័ន្ធនិងការងារព្រំដែនជាច្រើនរូនទៀត។

ក្នុងជំនួបនៃកិច្ចប្រជុំរវាងស្នងការដ្ឋាននគរបាលនៃខេត្តទាំងពីរ ខេត្តប៊ិញភឿក(សារធារណ:រដ្ឋសង្គមនិយមវៀតណាម) និង (ខេត្តមណ្ឌលគិរី កម្ពុជា)ក្នុងកិច្ចសហប្រតិបត្តិការរក្សាសន្តិសុខសណ្តាប់ធ្នាប់ក្នុងឆ្នាំ២០២២ កន្លងមកថ្មីៗនេះនគរបាលនៃខេត្តទាំងពីរបានបង្កើននូវកាសហការណ៍ ក្តាប់រាល់សភាពការណ៍បង្កាទប់ស្កាត់នូវរាល់បទ ល្មើសគ្រប់ប្រភេទដែលបានឆ្លងកាត់នៅតាមខ្សែបន្ទាត់ព្រំដែន នៃប្រទេសទាំង២ និងបានសហការរវាងភាគីនៃប្រទេសទាំងពីរ ទប់ស្កាត់មិនទុកអោយពួកអនុភាពអមិត្តឆ្លៀតឱកាសបង្កបំបែកបំបាក់នូវចំណងមិត្តភាពសាមគ្គីភាពរវាងប្រទេសយើងទាំងពីរបានឡើយ។ មិនតែប៉ុណ្ណោះលោកឧត្តមសេនីយ៍ទោ ស្នងការនគរបាលខេត្តបានមានប្រសាសន៍ឲ្យលោកមេប៉ុស្តិ៍ច្រកទ្វារព្រំដែននិងលោកអធិការនៃស្រុកទាំងពីរ ដែលជាប់នៅតាមខ្សែបន្ទាត់ព្រំដែនមាន អធិការស្រុកកែវសីមា លោកអធិការស្រុកអូររាំង លើកឡើងអំពីបញ្ហាប្រឈមនិងសំណូមពរលើការងារកិច្ចការព្រំដែនមួយចំនួនទៅ ភាគីវៀតណាមដើម្បីរកដំណោះ ស្រាយយកមកដោះស្រាយនៅចំពោះមុខនៃ គណៈប្រតិភូប្រទេសទាំងពីរ លើកការជួយបង្កាទប់ស្កាត់និងបង្ក្រាបនូវ រាល់បទល្មើសគ្រប់ប្រភេទរួមមានការជួញដូរស្រ្តី និងកុមារឆ្លងកាត់តាមខ្សែបន្ទាត់ព្រំដែន,កា ជួញដូរនូវសាធាតុញៀនដោយខុសច្បាប់ឆ្លងកាត់តាមខ្សែបន្ទាត់ព្រំដែន និងបញ្ហាជនអន្តោប្រវេស៍ឆ្លងដែនខុសច្បាប់មកកាន់កម្ពុជា •••ល•• ។

មុននិងបញ្ចប់ ភាគីទាំងពីរបានឯកភាពគ្នាលើកិច្ចព្រមព្រៀងនិងបានចុះហត្ថលេខា លើកំណត់ហេតុ នៃកិច្ចប្រជុំស្តីពីកិច្ចសហប្រតិបត្តិការកិច្ចការងារការពារ សន្តិសុខសណ្តាប់ធ្នាប់នៅតាមខ្សែបន្ទាត់ព្រំដែន ឆ្នាំ២០២២ និង​លើកទិសដៅ​បន្ត កិច្ចសហប្រតិបត្តិការ​បន្តឆ្នាំ២០២៣ បន្តទៀតព្រមទាំងបានជូនកាដូរ អនុស្សាវរីយ៍រវាងភាគីទាំងពីរក្នុងភាពស្និទិស្នាលជាទីបំផុតរវាងភាគីនៃថ្នាក់ដឹកនាំនៃប្រទេសទាំងពីរ៕