ខេត្តសៀមរាប ៖ ភូមិ ឃុំ មានសុវត្ថិភាព និងកាត់បន្ថយរាល់អំពើទាំងឡាយឯងណាទៅ? បើល្បែងស៊ីសងលុបបំបាត់មិនបានផងនោះ ។ បើទោះបីស្រួងមហាផ្ទៃបានបង្កើតអោយមាន ភូមិ ឃុំ មានសុវត្តិភាព ដើម្បីអោយអាជ្ញារធប្រចាំតំបន់របស់ខ្លួនមានវិធានការក្តៅដើម្បីទប់ស្តាតបទល្មើសដែលកើតមានឡើង ជូនប្រជាពលរដ្ធរស់នៅដោយមានភាពកក់ក្តៅដោយគ្មានអំពើហឹង្សារ ក្នុងគ្រួរសារគ្មានចោរលួច ឆក់។ល។
ដោយឡែក មេកត់កន្ទុយលេខដល់ធំមួយស្ថិតនៅ ភូមិ ស្ទឹងថ្មី សង្កាត់ ស្វាយដង្គុំក្រុងសៀមរាប ដែលត្រូវបានគេស្គាល់ឈ្មោះស្រី នា ដោយគ្មានសមត្ថកិច្ជធ្វើការបង្ក្រាបឡើយ ថែមទាំងបណ្តែតបណ្តោយ បើកដៃឲ្យក្រុមបទល្មើសកត់ម៉ាសេរីពាសពេញក្រុងសៀមរាប ដោយម្នាក់ៗឆ្លើយថា បានបង់ប្រាក់អោយទៅអ្នកនេះអ្នកនោះដោយពុំខ្លាចច្បាប់ដែលមិនអនុញ្ញាតនោះទេ។
នៅព្រឹកថ្ងៃទី២៥ខែ០៤.២០១៧.នេះវេលាម៉ោង១០និង៣០នាទីបណ្តាញព័ត៌មាន បានទំនាក់ទំនងទូរសព្ទ័ជាមួយ មេល្បែងកន្ទុយលេខ ឈ្មោះ ស្រី នា ដែលបានបើកសំងំនៅខាងផ្ទះដល់ធំរបស់គេ ដើម្បីលាក់ពីភ្នែកមហាជនមួយចំនួនដែលមិនចូលចិត្តល្បែងស៊ីសងនេះ ។
ជុំវិញការបើកល្បែងខុសច្បាប់ខាងលើនេះ មេកត់កន្ទុយកលេខបានប្រាប់ថា គាត់បើកលក់រយៈពេលយូរមកហើយ គាត់មិនខ្លាចអ្នកណានោះទេ បើខាងសមត្ថកិច្ចចង់ចាប់ ឫបិទ ទាល់តែបង្ក្រាបទាំងអស់ ព្រោះថាមិនខ្វះទេកន្លែងរកស៊ីលក់ឆ្នោតខុសច្បាប់ដូចគាត់ ។
មេល្បែងរូបនោះបានបន្តទៀតថា ខ្ញុំក៏ចង់ចូលរួមក្នុងសង្គមដែលដើម្បីអោយ ភូមិ ឃុំ មានសុវត្តិភាព រាល់បទល្មើសទាំងឡាយ គឺគ្មាន តែបើបិទរូបគាត់ចុះ កន្លែងរាប់រយៈពាសពេញក្រុងសៀមរាបទាំងមូល មិនចាប់ផង ។ ចឹងហើយបានជាគាត់បើកកត់ម៉ាសេរី មិនខ្លាចញញើតនិងច្បាប់ឡើយ ។
មហាជនបានរិះគន់ថា បើកតាំងពីយូរមកបានដោយរលូនអត់មានបញ្ហាសម្រាប់មេកត់កន្ទុយលេខនោះទំនងជាបាន ឃុបឃិតជាមួយសមត្ថកិច្ជផ្តល់លាភសក្ការៈ ស្ងាត់ៗ ដូរជាថ្នូរ មិនធ្វើការបង្ក្រាបឫរាយការណ៍ជូនថ្នាក់លើ ហើយមើលទៅ បានជាកន្លែងកត់កន្ទុយលេខខាងលើនេះ កត់បានរលូនដោយមិនញញើតនឹងច្បាប់បន្តិចសោះឡើយ ។ បើទោះបីជាពួកគាត់បានដឹងថា កន្លែងកត់កន្ទុយលេខខាងលើធ្លាប់បានសមត្ថកិច្ជធ្វើការបង្ក្រាបរួចមកម្តងហើយក៍ដោយ វាហាក់បីដូចជាបានស្គាល់និងផ្តល់អំណាចអោយមេកន្ទុយលេខមានជម្រូករកស៊ីកាន់តែខ្លាំងដៃឡើងជាងមុនយ៉ាង អនាធិបតេយ្យ ។
ប្រជាពលរដ្ឋដែលបានជួបនិងបញ្ហាល្បែងស៊ីសងនេះ ដែលប្តីឫប្រពន្ធរបស់ពួកគាត់ញៀនល្បែងនេះចាញ់ប្រាក់រាប់ពាន់ដុល្លាក្លាយទៅជំពាក់ធានាគារក៍មានដែលនោះ និងអ្នកផ្សេងទៀតបែកគុំនិតលួចឆក់ទ្រព្យសម្បត្តិ អ្នកដទៃដើម្បីយកទៅលក់បានប្រាក់មកចាក់កន្ទុយលេខទៀត ។ ពួកគាត់សុំសំណូមពរដល់អាជ្ញាធរខេត្តជាពិសេស ឯកឧត្តម (ឃឹមប៊ុនសុង)អភិបាលខេត្តសៀមរាប មេត្តាកុំប្រងើយកន្តើយពីករណី ល្បែងកន្ទុយលេខខាងលើនេះផង ដាក់បទបញ្ជាដល់មន្ត្រី ក្រោមឨវាត ដើម្បីលុបបំបាត់ល្បែងកន្ទុយលេខនេះអោយមានប្រសិតភាពខ្ពស់ នឹងភូមិ ឃុំមាន សុវត្ថិភាព ដោយរស់នៅគ្មានអំពើហឹង្សារដោយល្បែងស៊ីសង ។ល។
