មណ្ឌលគិរី ៖ នាព្រឹក ថ្ងៃពុធ ៤កើត ខែមាឃឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹង ថ្ងៃទី២៥ ខែមករា ឆ្នាំ២០២៣ នាវេលា ម៉ោង៨ និង ៣០នាទី នៅសាលប្រជុំនៃស្នងការដ្ឋាននគរបាលខេត្តមណ្ឌលគិរី។
បានបើកកិច្ចប្រជុំស្ដីពីការរៀបចំ ដាក់កំលាំង ការពារសម្តេច កិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន នឹងគណៈប្រតិភូអមដំណើរដែលបានអញ្ជើញមកចុះចែកអំណោយជូនប្រជាពលរដ្ឋនៅខេត្តមណ្ឌលគិរីនាពេលខាងមុខនេះ។
កិច្ចប្រជុំនេះបានប្រព្រឹត្តធ្វើឡើង ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការអញ្ជើញចូលរួមពីពីសំណាក់លោក លោកស្រីស្នងការរង , លោក មេបញ្ជាការ វរសេនាតូចនគរបាលការពារព្រំដែនគោកទាំង២ , លោក អធិការនគរបាល ក្រុង/ស្រុក ទាំង៥ ។
ក្នុងកិច្ចប្រជុំនាឱកាសនោះផងដែរលោកឧត្តមសេនីយ៍ទោ ស្នងការលោកក៏បានដាក់ចេញនៅផែនការពារនិងការរក្សាសន្តិសុខសុវត្ថិភាពជូនចំពោះថ្នាក់ដឹកនាំដែលជាគណះប្រតិភូដែលបានមកចែកជាអំណោយដល់ប្រជាពលរដ្ឋក្នុងខេត្តមណ្ឌលគិរីនាពេលខាងមុខឯកឧត្តមឧត្តមសេនីយ៍ទោ ស្នងការបានដាក់ផែនការពារដល់លោក លោកស្រីស្នងការរងលោកមេបញ្ជាការវរសេនាតូចនគរបាលការពារព្រំដែនគោកទាំងពីរ ព្រមទាំងលោកអធិការនគរបាលក្រុងស្រុកទាំងប្រាំ និង មន្រ្តីនគរបាលនៅក្រោមឱវាទទាំងអស់ត្រូវយកផែនការការពារដែលបានប្រជុំគណ:ស្នងការនៅថ្ងៃនេះ ដើម្បីយកទៅអនុវត្តឲ្យមានប្រសិទ្ធភាពខ្ពស់។
មុននិងបញ្ចប់ឯកឧត្តមឧត្តមសេនីយ៍ទោ ស្នងការលោកបានជូនពរដល់មន្ត្រីទាំងអស់ជួបនូវពុទ្ធពរទាំង៥ប្រការ អាយុ វណៈ សុខៈ ពល កុំបីឃ្លៀងឃ្លាតឡើយ ៕
